Русский  >>  فارسی  >>  Шанбе 10 декабр 2016, 02:15

Конибодом роҳи марказияшро таъмири капиталӣ мекунад

24 май 2012, 04:10

Дирӯз, 23 май Қоҳир Расулзода, раиси вилояти Суғд аз шаҳри Конибодом боздиди корӣ анҷом дод.

Аз маркази иттилоот ва таҳлили ҳукумати шаҳри Хуҷанд ба хабарнигори маҳалллии Озодагон иттилоъ доданд, ки нахуст раиси вилоят аз ҷараёни корҳои ободонӣ ва ҳолати имрӯзаи роҳҳои марказии шаҳри Конибодом шинос шуд.
Роҳи марказии шаҳр, кӯчаи ба номи Ленин ва Камоли Хуҷандӣ ба таъмири капиталӣ ниёз доранд. Бо дастури Қоҳир Расулзода роҳи марказӣ соли ҷорӣ аз нав мумфарш мешавад. «Зимни боздид раиси вилоят ба масъулон спориш дод, ки лоиҳа ва харҷномаи  пурра асфалтпӯш намудани роҳро тартиб дода, ба корҳои барқароркунӣ оғоз намоянд ва  ба масъулини шаҳрдории шаҳри Конибодом супориш дод, то барои обод намудани роҳраву гулгаштҳо ва намуди зоҳирии биноҳо чораҳои зарурӣ андешад»,-афзуд сарчашмаи хабар.

Ба иттилои манбаъ, сипас раиси вилоят аз маркази тиҷоратии «Созмон» дидан намуд. Ин марказ яке аз аввалин коргоҳҳое мебошад, ки дар шаҳри Конибодом бо истеҳсоли дару тирезаҳои пластикӣ ва истпеҳсоли мебел машғул аст. Дар ин корхона алҳол 20 нафар бо ҷои кори доимӣ таъмин ҳастанд. Дар ояндаи наздик ширкати «Созмон» ният дорад барои занҳо ҷойҳои кории нав ташкил намояд. Аз ҷумла, таъсис додани сехи дӯзандагӣ, зардӯзии миллӣ ва эҳёи ҳунарҳои халқиро Коҳир Расулзода мувофиқи мақсад шуморид.
Ҳангоми боздиди корӣ меҳмонон ба мактаби рақами 54-и шаҳри Конибодом ташриф оварданд. Мактаби мазкур барои 600 хонанда пешбинӣ шудааст. Бинои мактаб пурра аз нав барқарор шуда, корҳои сохтмонӣ ба охир расиданд. Бо супориши раиси вилоят мактаби навбунёд бо мизу курсиҳои дарсӣ ва лавозимоти хониш таъмин мешавад. Ба истифода додани мактаб дар соли хониши нав дар назар аст.

Дар идомаи сафар ҷаноби Расулзода аз ҷамъияти саҳҳомии Энаҷон Бойматова дидан кард. «Хоҷагии овозадори шаҳри Конибодом бо парвариши ниҳол, асосан дарахти зардолу машғул ҳастанд. Бинобар маълумоти сарвари хоҷагӣ ҳар сол то 30 ҳазор ниҳоли зардолу парвариш мекунанд. Соли ҷорӣ бошад, парвариши боз 25 ҳазор намуди ниҳолҳои гуногун ба монанди сафедор, ангур, анор, чормагз ва дигар дарахтони мевагиро ба роҳ мондаанд»,-илова кард манбаъ ва афзуд, ки дар боғҳои зардолуи хоҷагӣ зиёда аз 20 намуди гуногуни зардолу парвариш меёбанд. Ҳар сол ҳосилнокии пахта беш аз 40 сентнерро ташкил медиҳад. Чунин тарзи  корбарӣ барои дигарон намунаи ибрат бояд  бошад, таъкид намуд Қоҳир Расулзода.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!