Русский  >>  فارسی  >>  Панҷшанбе 8 декабр 2016, 09:00

Кадучӣ баъди 40 сол шодоб шуд

25 май 2012, 07:19

Соҳибкорони маҳаллӣ барои ба об таъмин намудани сокинони рустои Кадучӣ дар ноҳияи Восеъ ташаббус гирифта, ахиран ин мавзеъро шодоб намуданд.

Ба қавли Насруллоҳ Саидов, раиси ҷамоати деҳоти ба номи Вайсов, наздик ба 40 сол буд, ки аҳолии рустои Кадучӣ ва Кайнари боло аз оби нушокӣ танқисӣ мекашиданд. «Аз соли 1975-и асри гузашта дар ин деҳа оби нушокӣ набуд. Одамон ба воситаи хару ароба ва мошин аз масофаи дур об мекашиданд. Соли 2007-ум як ташкилоти байналмиллалӣ аз деҳаи Кайнари поён то қишлоқи Кайнари боло хати оби нушокӣ кашид. Аммо бо гузашти ҳамагӣ 3 моҳ қубурҳои бесифат корношоям гаштанду мардум боз бе об монд»,-афзуд номбурда.

Ба гуфтаи манбаъ, ҳарчанд дар ҳукумати маҳаллӣ аз вазъият огоҳ буданд, вале касе дар пайи ҳали мушкил набуд. Султон Валиев, раиси феълии ноҳия дар якчанд нишасту ҷамъомадҳо аз соҳибкорони маҳаллӣ дархост намуд, ки барои бо об таъмин намудани аҳолии русто саҳмгузор бошанд. Ахиран, бо ташаббуси соҳибкорон Давлат Шарбатов, Файзалӣ Абдуллоев, Шералӣ Табаров, Қурбон Расулов ва Дилшод Раҷабов дар ҳудуди русто 5 чоҳи амудӣ канда ва як чоҳи мавҷудбуда аз нав таъмиру барқарор шуд. Дар ҳоли ҳозир 70 фисади аҳолӣ бо об таъмин гардида, рӯзҳои наздик қисмати боқимонда низ шодоб хоҳанд гашт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!