Аз волейболи духтарон то хотираи Казарян

Аз 26 то 30-юми июни соли равон дар маркази тайёрии варзишии (ФОК) шаҳри Душанбе мусобиқаи ҷумҳуриявии волейбол баргузор мегардад.

Тибқи иттилои кумитаи ҷавонон варзиш ва сайёҳӣ бахшида ба ҷашни 20 солагии истиқлолияти давлатии ҷумҳурии Тоҷикистон, ин чорабинӣ миёни дастаҳои духтаронаи солҳои таваллуди 1993-1994 гузаронида мешавад, ки дар ин чорабини дастаҳои  вилояти Хатлон (2-даста), вилояти Суғд (2-даста), ВМКБ (2-даста), шаҳри Душанбе (2-даста) ва навоҳии тобеи марказ (2-даста) бо ҳам рақобат мекунанд.Маврид ба ёдоварист, ки аз 21 то 25-уми июни соли равон дар Донишкадаи тарбияи ҷисмонӣ миёни наврасони солҳои таваллуди 1996-1997 мусобиқаи кушоди ҷумҳуриявӣ оид ба футбол  баргузор мегардад. Тибқи иттилои манбаъ мусобиқа ба хотираи мураббии шоистаи ҷумҳурии Тоҷикистон А. М. Тер-Казарян бахшида шуда, дар ин сабқат иштироки дастаҳои Қурғонтеппа, Кӯлоб, шаҳри Душанбе,  водии Рашт, навоҳии тобеи марказ ва мактаби ҷумҳуриявии футбол дар назр аст.

 

Мӯҳр