Дар пайи баргузории як амалиёти фаврӣ-ҷустуҷӯӣ аз аз тарафи кормандони Хадамоти гумруки фурудгоҳи пойтахт боз як ҳодисаи интиқоли ғайриқонунии маводи нашъадор ошкор гардид.
Нурулло Шарипов, сарнозири шӯъбаи иттилооти Хадамоти гумрук ба Озодагон гуфт, ки аснои ба расмиятдарорӣ ва назорати гумрукии мусофирони хатсайри №804, ки ба самти Душанбе- Масква парвоз мекард, мусофир Файзулло Самандарови 45 сола, сокини шаҳри Душанбе бо ҷурми даст доштан дар интиқоли маводи нашъаовар мавриди боздошт ва муоинаи махсус қарор гирифт. «Дар рафти санҷиш кормандони гумрук аз дохили шими Файзулло Самандаров як адад бастаи селофанӣ ёфтанд. Тибқи маълумоти коршиносон он ҳашиш буда, вазни холисаш 262 грамро ташкил дод»,-афзуд манбаъ.
Феълан оид ба ин ҳодиса парвандаи ҷиноӣ оғоз гардида, барои тафтишу баррасӣ ба прокуратураи нақлиёти Тоҷикистон равона шудааст.
Мӯҳр