Футболбозро барои нахондани суруди миллӣ аз тими миллӣ ронданд

Синиша Михайлович, сармураббии тими миллии Сербия оид ба футбол Адем Ляичро барои саркашӣ аз қироати суруди миллӣ қабл аз дидори рафиқона бо мунтахаби Испания аз яккачини кишвараш ронд. Ин бозӣ 26-уми май баргузор шуда, бо ҳисоби 0:2 поён ёфт.

Синиша Михайлович аз 21-уми майи соли 2012 мунтахаби Сербияро роҳбарӣ мекунад. Ӯ аз бозингарон талаб кард, ки «қарордод оид ба рафтор»-ро имзо намоянд. Тибқи яке аз бандҳои ин шартнома бозингар муваззаф аст, ки гимни миллиро қироат намояд.
Баъди бозӣ бо Испания Михайлович бо Ляич мулоқот доштааст. Бозингар гуфтааст, бо сабабҳои шахсӣ суруди миллиро иҷро накард. Тибқи иттилои расонаҳо Ляич боснитабори этникӣ аст. Ӯ гуфтааст дар оянда низ қасди хондани гимнро надорад. Баъди ин сармуррабӣ ӯро аз тими миллӣ рухсат медиҳад. Зимнан, дар иттилоияи Иттиҳоди футболи Сербия омадааст, агар дар оянда Ляич розӣ шавад, ки суруди миллиро қироат кунад, ӯро ба даста даъват хоҳанд кард.
Ин аввалин қазияи пур сару садо бо ширкати Адем Ляич дар соли равон нест. Ӯ, ки нимҳимоятгари клуби «Фиорентин»-и Италия аст, дар оғози моҳи ҷорӣ зимни ҷараёни сабқати қаҳрамонии Италия вақте «Фиорентин» бо «Новар» бозӣ мекард, бо сармурабии клубаш Делио Росси даст ба гиребон шуд. Ляич аз ду бозӣ маҳрум гардид, вале сармураббиро аз мақомаш барканор карданд.
Мӯҳр