Русский  >>  فارسی  >>  Сешанбе 6 декабр 2016, 23:02

Дар Суғд баррасии парвандаи ҷиноӣ нисбати 17 нафар ба анҷом расид

31 май 2012, 05:24

Дар боздоштгоҳи № 2-и шаҳри Хуҷанд баррасии парвандаи ҷиноӣ нисбати 17 нафар, ки 16 тани онҳо сокинони ноҳияи Ашти вилояти Суғд ва ҷавонтарини онҳо сокини 22 солаи ноҳияи Бобоҷон Ғафуров мебошад, ба анҷом расид.

Бо ҳукми додгоҳ ин ашхос ба мӯҳлатҳои аз 9 то 23 сол аз озодӣ маҳрум шуданд. Онҳоро дар узвият ба Иттиҳоди ҷиноии «Ҳаракати Исломии Узбакистон (Туркистон)» муҷрим шинохтанд. Тавре ба хабарнигори маҳаллии Озодагон дар суди вилояти Суғд хабар доданд, алайҳи ин гурӯҳ мутобиқи бандҳои «иштирок дар иттиҳоди ҷиноӣ» ва «дигар созмонҳои фаъолияташон дар Тоҷикистон мамнӯъ»-и Кодекси ҷиноии Тоҷикистон айб пешниҳод шудааст.
Манбаъ афзуд, 6 нафар аз ин гурӯҳ дар Вазиристони Покистон машқҳои ҳарбӣ гузашта ва бо мақсади ба дигарон омӯзондан ба ватан баргаштаанд.
16 нафар аз ин афрод сокинони ҷамоати Ошобаи ноҳияи Ашт ва як тани дигар аз ноҳияи Бобоҷон Ғафуров буда, аз 22 то 50 сол доранд. Ин гурӯҳ моҳҳои октябр - ноябри соли гузашта аз ҷониби кормандони амниятиву интизомӣ боздошт шуда, мурофиаи парвандаи онҳо моҳи апрел дар боздоштгоҳи муваққатии шаҳри Хуҷанд оғоз ёфт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!