Русский  >>  فارسی  >>  Якшанбе 4 декабр 2016, 00:42

Эрон гуфтааст, вируси «Аланга»-ро онҳо ошкор кардаанд, на русҳо

31 май 2012, 12:38

Супер-вирус бо номи «Аланга» (Пламя) на аз сӯи «Ташхисгоҳи Касперский»-и Русия, балки аз ҷониби мутахассисони эронӣ ошкор ва безарар шудааст. Дар ин бора Алӣ Ҳаким Ҷаводӣ, муовини вазири мухобирот ва технологияҳои коммуникатсионии Эрон изҳор кардааст.

Бо пахши ин изҳорот ҷониби Эрон даъвои мутахассисони русро аз «Ташхисгоҳи Касперский», ки гуфтанд вируси печидаю ҷиддиеро ошкор кардаанд, рад кард. Вируси мазкур қодир будааст маълумоти махфиро аз компютерҳои кишварҳои Шарқи Наздик ҷамъоварӣ намояд.
Ёдовар мешавем, чанде пеш мутахассисони «Ташхисгоҳи Касперский»-и Русия, ки ба ошкор кардани вирусҳо ва сохтани барномаҳои зиддивирусӣ машғуланд, дар бораи ин вирус изҳороте пахш карда, онро «яроқи кибернетикӣ» номиданд. Ба қавли онҳо ин вирус на аз сӯи хакерҳо, балки аз ҷониби як гурӯҳи мутахассоне сохта шудааст, ки аз сӯи як давлати алоҳидаи то ҳанӯз номаълум маблағгузорӣ мешавад.
Бино ба гуфтаи Ҷаводӣ, намояндаи Эрон барои аввалин бор ин вирус аз сӯи мутахассисони Гурӯҳи ҳамоҳангсозии Маркази амнияти компютерии «Моҳир» ошкор ва безарар шудааст. Мутахассисони ин марказ барномаи махсуси компютерии зидди ин вирусро таҳия кардаанд.
Гуфта мешавад, дар ҳоли ҳозир аз ҳазор то 5 ҳазор компютер мубталои ин вирус гаштааст, ки аз ҳама бештар дар Эрон- 189 адад будааст.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!