Лоиҳаи шарҳи ибтидоии қонунҳои Тоҷикистон «Дар бораи ҳимоя ва дастгирии давлатии соҳибкорӣ» ва «Дар бораи санҷишҳои фаъолияти субъектҳои соҳибкорӣ» мавриди баррасӣ қарор гирифт.
Тавре ба Озодагон аз Кумитаи давлатии сармоягузорӣ ва идораи амволи давлатӣ хабар доданд, дар толори маҷлисгоҳи калони кумита мизи мудаввар оид ба муҳокимаи лоиҳаи мазкур баргузор гардид.
Дар ин чорабини намояндагон аз Кумитаи давлатии сармоягузорӣ ва идораи амволи давлатӣ ва зиёда аз 70 нафар доираи соҳибкорон, аз қабили роҳбарон ва намояндагони ширкатҳои ватанӣ ва асотсиатсияҳои соҳибкорони ҷумҳурӣ, инчунин намояндагони мақомоти давлатии санҷишӣ ҳузур доштанд.
Гуфта шуд, ки ислоҳоти мазкур дар асоси дастуру супоришҳои президенти Тоҷикистон, ки дар паёми худ дар соли 2012 баён намуд, инчунин аз доираи дигар барномаҳои рушди иқтисодиёт ва стратегияҳои ҷумҳурӣ бо дар назардошти таъмини сиёсати дастгирии давлатии соҳибкорӣ ва пешбурди фаъолияти он дар мамлакат бар меоянд.
Дар чорабиниҳо аз ҷониби як қатор намояндагони бахши хусусӣ ва бевосита мақомотҳои давлатии даъватшуда оид ба лоиҳаҳои мазкур таклифу эродҳои дахлдор манзур гардида, дар назар аст, ки ҳамаи ин пешниҳодҳо аз ҷониби гурӯҳҳои кории байни идоравӣ оид ба таҳияи санадҳои мазкур мавриди баррасӣ қарор мегирад ва бо дар назардошти таъмини ҳуқуқҳои ҳамаи ҷонибҳои манфиатдор, ба инобат гирифта мешаванд.
Мӯҳр