Хабарҳо дар мавриди ин ки 40 тоҷик дар асорати лӯлиҳои вилояти Курски Русия қарор доранд, муболиғае беш нест. Ин нуктаро дар сӯҳбат ба Озодагон Зафарбег Қосимзода, нафаре, ки аз номи ӯ дар сомонаи Ҳаракати умумирусиягии Муҳоҷирини кории тоҷик (tajmigrant.com) рӯзи 31-уми майи соли ҷорӣ иттилое нашр шуд, иброз дошт.
Зафарбег Қосимзода дар тамоси телефоние ба хабарнигори московии Озодагон гуфт, дар ҳақиқат чанд шаҳрванди Тоҷикистон зери дасти лӯлиҳо ба корҳои деҳқониву боғдорӣ машғул буда, маоши ночиз мегиранд. Аммо ин ки теъдоди онҳо 40 нафар асту дар ғуломӣ кор мекунанд, воҳимае беш нест.
-Аввалан мо 6 нафар барои кор ба он ҷо рафтем, моро маҷбурӣ кор мефармуданд, мо он ҷоро тарк кардем. Онҷо феълан шаҳрвандони Ӯзбакистон қарор доранд ва як ӯзбаки тоҷикистонӣ низ миёнашон ҳаст,-гуфт Зафарбег Қосимзода.
Ҳамчунин ба қавли ҷаноби Қосимзода аз намояндагии Хадамоти муҳоҷирати Тоҷикистон дар Русия ба ӯ занг зада, омодаи кӯмак буданашонро дар мавриди ҷой доштани ҳолати асорати тоҷикон изҳор кардаанд.
Мӯҳр