Русский  >>  فارسی  >>  Панҷшанбе 8 декабр 2016, 01:15

Кумитаи омор: Дар чор моҳ ба маблағи 314,8 млн. маҳсулоти нафтӣ фурӯхта шудааст

7 июн 2012, 05:32

Дар чор моҳи ахир ҳаҷми гардиши савдо, таъмири автомобилҳо, молҳои маишӣ ва ашё барои истифодаи шахсӣ нисбат ба ҳамин давраи соли 2011 ба маблағи 588,7 миллион сомонӣ афзудааст.

Тавре ба Озодагон аз  Агентии омори назди президенти Тоҷикистон хабар доданд, дар чор моҳи аввали соли равон гардиши савдои чакана ба андозаи 18,2 фоиз зиёд гардидааст. Дар ин муддат ҳаҷми гардиши маблағи корхонаҳои таъмири автомобил 2-3 баробар ва таъмири ашё барои истифодаи шахсӣ ба андозаи 37,3 фоиз афзудааст.
Бино ба иттилои манбаъ, ҳаҷми умумии гардиши моли чаканаи бозорҳо ва дигар сохторҳои тиҷоратӣ 2 миллиарду 843,7 миллион сомониро ташкил медиҳад, аз ҷумла дар бозорҳои озуқаворӣ, ашё ва молҳои омехтаи ҷумҳурӣ ба маблағи 1 миллиарду 559,7 миллион сомонӣ мол фурӯхта шудааст, ки 54,8 фоизи ҳаҷми умумии гардиши моли чаканаро ташкил дод.
Манбаъ афзуд, дар ин давра ба маблағи 286,7 миллион сомонӣ чорвои зинда, ба 77,4 миллон сомонӣ автомобилҳои боркаш ва сабукрав, ба 314,8 миллион сомонӣ маҳсулоти нафтӣ ва ба маблағи 605,3 миллион сомонӣ молҳои дигар фурӯхта шудаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!