Аксарияти ташкилот ва муассисаҳои Тоҷикистон ҷойҳои кори холӣ ва вазифаҳои озоди худро ба раёсати Агентии давлатии ҳифзи иҷтимоӣ, шуғли аҳолӣ ва муҳоҷират пешниҳод намекунанд, ки аз бемасъулятии масъулини ташкилоту муассисаҳо дарак медиҳад. Ин нуктаро Аҳлиддин Ҳакимов, сармутахассиси раёсати Агентии давлатии ҳифзи иҷтимоӣ, шуғли аҳолӣ ва муҳоҷират дар сӯҳбат ба хабаргузории Озодагон изҳор намуд.
Номбурда қайд намуд, ки мушкили дигар ин паст будани маошест, ки корхонаҳо барои ҷойҳои кори холии худ пешниҳод мекунанд: «Дар ярмарка аксарияти ҷойҳои кори холӣ марбут ба соҳаи тандурустӣ, маориф ва хизматрасонӣ аст. Маоши онҳо аз 200 то 300 сомониро ташкил медиҳад, ки ба талаботи хоҳишмандон мувофиқ нест».
Ба қавли Аҳлиддин Ҳакимов мушкили дигар дар ярмаркаҳо паст будани сатҳи дониши корҷӯён аст, ки баъди роҳхат гирифтанашон ба ин ё он ташкилот, аз сабаби мутахассиси кордон набудан, паст будани сатҳи касбӣ онҳоро ба кор қабул намекунанд.
Мӯҳр