Русский  >>  فارسی  >>  Чоршанбе 7 декабр 2016, 21:15

Бобо ва 50 ҳазор пайравони ӯ гуруснанишинӣ эълон карданд

6 июн 2011, 05:37

Устоди таълимоти йога Бобо Рамдев дар шаҳри Ню-Деҳлии Ҳиндустон беш аз 50 ҳазор пайравонашро барои гуруснанишинии эътирозӣ алайҳи фасод дар 1 майдон ҷамъ овард.

Бо ин вуҷуд, ки чанд нафар вузарои ин кишвар аз устоди соҳибноми таълимоти йога тақозо карданд, аз ин амал даст бикашад, аммо ӯ бо нишони эътироз ба фасодзадагӣ аз масъулини кишвараш талаб кардааст, ҳамаи сармояеро, ки ба хориҷ интиқол додаанд, ба кишвар бозгардонанд ва онро сармояи миллӣ эълон доранд.

Ҳамчунин Бобо Рамдев  вуруди ҳукми қатл барои ҷинояти фасоди молӣ, даст кашидан аз пулҳои калонарзиш ва чанд пешниҳоди дигарро ба масъулин ироа кардааст.

«Ман хеле дар ҳаяҷонам, ки ин миқдор мардум дар майдони Рам Лила барои юриши зидди фасод  ҷамъ омадааст. Ҳарчанд ки ин гуруснанишинӣ дароз сурат бигирад ҳам, ман ҳамаи шуморо ба оромӣ ва сабурӣ даъват мекунам», изҳор доштааст гуру -Бобо Рамдев дар баромадаш дар назди ҳозирин. Ҳамчунин ин амали устоди йога аз сӯи ВАО хеле хуб таблиғ шуда, шаҳрро варақаҳои эълон бо навиштаи «4 июл - рӯзи шурӯъи мубориза бар зидди фасод» пур кардааст.

Ин амали устоди шинохта Бобо Рамдев ҳукумати нахуствазири Ҳиндустон Манмохан Минхро, ки чанд аъзои он, аз ҷумла вазири алоқа Андимутҳу Раҷа ва сарвари Асостсиатсияи олимпии Ҳиндустон Суреш Калмади ва чанде дигар барои даст доштани фасоди молӣ муттаҳам мешаванд, дар ҳолати ногувор гузоштааст.

Дар ҳоле ки дар Ҳиндустон беш аз 50 ҳазор нафар дар майдони назди дарвозаи шаҳр дар 1 рӯз бо нишони эътироз даст ба гуруснанишинӣ мезананд, вакилони порлумони Тоҷикистон зимни баррасии як қонун тартиби эътирози мардумро ба шакли «гуруснанишинӣ» дар назди муассисаҳои давлатӣ ва ҷойҳои ҷамъиятӣ мамнӯъ эълон кардаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!