Русский  >>  فارسی  >>  Панҷшанбе 8 декабр 2016, 16:53

Дар Шурообод қочоқчиёну кормандони милиса вориди даргирӣ шуданд

11 июн 2012, 05:29

Дар мавзеи «Деволбарс»-и ноҳияи Шӯрообод миёни кормандони ВКД ва гурӯҳи нашъаҷаллобон задухӯрди мусаллаҳона ба вуқӯъ пайваст.

Маҳмадулло Асадулоев, сухангӯи Вазорати умури дохилаи Тоҷикистон ба Озодагон хабар дод, ки ашхоси мусаллаҳи ҷинояткор ба муқовимат тоб наоварда, ба самти ҷумҳурии исломии Афғонистон фирор намуданд. «Дар вақти азназаргузаронии ҷойи ҳодиса аз пинҳонгоҳи сохтаи қочоқчиёни маводи мухаддир дар ҳудуди мавзеи «Деволбарс» дар чор халта ба миқдори ниҳоят калон 100 килою 160 грамм маводи нашъадори бангдона ва як адад яроқи тамғаи «ТОЗ-16» ёфтаву мусодира шуд»,-афзуд номбурда.

Сухангӯи ВКД гуфт, рӯзи 6-уми июн дар мавзеи номбурда ҳангоми гузаронидани чораҳои оперативӣ-ҷустуҷӯӣ як гурӯҳи мусаллаҳи нашъаҷаллоб иборат аз шаҳрвандони Афғонистон ошкору безарар гардонида шуда буд. Задухӯрди мусаллаҳона, ки беш аз ду соат тӯл кашид, сабаби фирор намудани қочоқчиён ба марзи ин кишвар гардид. Аз пинҳонгоҳи нашъаҷалобон дар 5 борхалта ба миқдори 90 килою 300 грамм маводи нашъадор мусодира шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!