Нимаи аввали имӯз, 11-уми июн дар ҳудуди Тоҷикистон заминларза ба қайд гирифта шуд.
Ба хабаргузории Озодагон аз маркази матбуоти Кумитаи ҳолатҳои фавқуллода ва мудофиаи гражданӣ иттилоъ доданд, ки соати 10:02 дар ҳудуди ҷумҳурӣ замин ҷунбидааст. Маркази заминларза 440 километр ҷанубу шарқи шаҳри Душанбе, ҳудуди ҷумҳурии исломии Афғонистон будааст. Шиддати ларзиши он дар марказ 6-7 ва дар шаҳри Душанбе 2 бали ҷадвали Рихтер гуфта мешавад.
Манбаъ афзуд, ки соати 10:30-и ҳамин рӯз маротибаи дуюм дар ҳудуди кишвар заминларза ба вуқӯъ пайваст. Маркази ин зил-зила 312 километрии ҷанубу шарқи Душанбе, ҳамчунин ҳудуди Афғонистон будааст. Дар марказ шиддати ларзиши замин 4-5, дар шаҳри Душанбе 2-3 ва дар шаҳри Хоруғ 2-2,5 бал будааст.
Талафоти ҷонӣ ва хисороти молӣ ба қайд гирифта нашудааст.
Мӯҳр