Дар Пешовари Покистон бар асари як таркиши мусофирбар дастикам 18 нафар кушта шуда, 35 нафар ҷароҳат бардоштаанд. Бино ба маълумоти Agence France-Presse ин мусофирбар хизматчиёни давлатии Покистонро мебурдааст.
Таркиш дар минтақаи Довудҷой рух дода, бино ба маълумоти пулис барои тарконидани мусофирбар беш аз 8 кг маводи тарканда истифода шудааст. Маводи тарканда дар зери нақлиёт насб шуда, аз тариқи дастгоҳи идоракунии фосилавӣ ба кор дароварда шудааст.
Пулис ҳамчунин муайян намудааст, ки дар мусофирбар беш аз 20 нафар хизматчиёни давлатии маъмурияти Пешовар ва ҳудуди 30 нафар мардуми осоишта қарор доштаанд.
Феълан ҳеҷ як гурӯҳи терористӣ ин амалро ба ӯҳда нагирифтаанд. Гуфта мешавад, дар минтақаи Пешовари Покистон бештар аз дигар ҷо террористони “Толибон” ва “Ал-Қойида” панаҳ мебаранд. Хабаргузориҳо ин таркишро ба амалиётҳои густурдаи Покистон алайҳи “Толибон” ва асосан ба нобуд намудани яке аз чеҳраҳои маъруфи “Ал-Қойида” Абу Яҳё ал Либӣ марбут медонанд.
Мӯҳр