Президент дар Исфара хишти аввали як мактабро гузошт

Баъд аз зӯҳри 13-уми июн, райисҷумҳури Тоҷикистон аз шаҳри Конибодом ба Исфара ташриф оварда, бо рафти корҳои азхуднамоии дашти навободи Моҳпарӣ аз наздик шинос шуд.

Тавре зикр гардид, дар мавзеи Моҳпарӣ бо баровардани об аз дарёи Исфара бояд наздики 3 ҳазор га заминҳо шодоб гардида, дар зиёда за 800 гектари он беш аз 5 ҳазор хонавода ё худ 40 ҳазор аҳолӣ дар маҳаллаҳои навбунёди ободу зебо соҳиби манзили истиқоматӣ шавад. Зиёда аз 2200 гектари он барои боғдорию зироаткорӣ ва ба кор таъмин кардани мардум пешбинӣ шудааст.
Тибқи иттилои дафтари матбуотии президент дар ҳузури ҳузури Эмомалӣ Раҳмон ба каналӣ Моҳпарӣ ва ин мавзеи ташналаб оби ҳаётбахш сар дода шуд. Гуфтанист, беш аз 4 километри ин канал дар давоми 2 моҳ бе харҷи маблағҳои буҷетӣ аз ҷониби мардум ба тариқи ҳашар канда шуд. Қайд шуд, ки 5 км аввали ин канал замони шӯравӣ дар давоми 5 сол омода гардида будааст.  
Зимнан, Эмомалӣ Раҳмон бо гузоштани хишти аввали мактабу маркази саломатӣ ва нахустин хонаи истиқоматӣ ба бунёди маҳаллаҳои нави аҳолинишин оғоз бахшид.
Ин маҳаллаҳо дорои 2 мактаби замонавӣ бо 1150 ҷойи нишаст дар як баст, як маркази саломатӣ, 2 ҳаммоми ҷамъиятӣ ва дигар иншооти иҷтимоию зербиноӣ хоҳанд буд.
Дар ин мавзеъ, асосан оилаҳои ниёзманди деҳаҳои сераҳолии Чоркӯҳ, Ворух, Чилгазӣ, Кулкант, Нефтобод ва ғайра, ки мушкилоти ҷиддии манзилӣ доранд, ҷойгир карда мешаванд.

Мӯҳр