Русский  >>  فارسی  >>  Якшанбе 4 декабр 2016, 02:53

«Кишварҳои қалби Осиё» масоили ҳамкориро баррасӣ доранд

14 июн 2012, 05:35

Ҳамрохон Зарифӣ, вазири хориҷаи Тоҷикистон, рӯзи 13 июн ба манзури ширкат дар конфронси вузарои хориҷаи "кишварҳои қалби Осиё" ба Кобул сафар кард.

Дар ин ҳамойиш, ки имрӯз, 14 июн дар шаҳри Кобул оғоз гардид, вазирони корҳои хориҷаи 15 "кишвари қалби Осиё" ва чанд кишвари пешрафтаи ҷаҳон масоили марбут ба вазъи амниятӣ дар Афғонистон ва бозсозии иқтисоди ин кишварро баррасӣ мекунанд.
Абдулғафур Орзу, сафири Афғонистон дар Тоҷикистон, пештар гуфта буд, ки "кишварҳои қалби Осиё" як мафҳуми тоза ва ҷуғрофиёи нав буда, Афғонистон, Эрон, Покистон, Тоҷикистон, Қазоқистон, Озарбойҷон, Қирғизистон, Туркманистон, Ӯзбакистон, Ҳинд, Туркия, Чин, Русия, Арабистони Саудӣ ва Амороти Муттаҳидаи Араб  аз ҷумлаи ин кишварҳо маҳсуб мешаванд. Ба гуфтаи дипломати афғон таҳкими эътимод миёни кишварҳои минтақа аз аҳдофи аслии ин ҳамоиш буда ва гиреҳ хӯрдани манофеъи кишварҳо аз муҳимтарин омили эътимодсозӣ маҳсуб мешавад.
Дар назар аст дар ҳамоиши Кобул ҳамчунин намояндагони ИМА, Бритония, Олмон, Ҷопон, Австралия, кишварҳои дигари аврупоӣ ва созмонҳои байналмилалӣ ширкат намоянд.
Конфронси қаблӣ дар моҳи ноябри соли гузашта дар шаҳри Истанбули Туркия баргузор шуда ва дар ин ҳамоиш тарҳҳои бузурги бунёди лӯлаи газ аз Туркманистон ба Покистону Ҳинд, лӯлаи гази Туркманистон ба Тоҷикистон ва Чин, хатти барқи CASA-1000, эҳдоси роҳҳои нақлиётгарл аз Осиёи Марказӣ ба Эрон мавриди омӯзишу арзёбӣ қарор гирифта буд.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!