Русский  >>  فارسی  >>  Чоршанбе 29 март 2017, 13:17

КАМАЗ бо 40 тонна сӯзишворӣ ба дарёи Варзоб сарозер шуд

14 июн 2012, 12:30

Бар асари ин сониҳаи нақлиётӣ ронандаи боркаш ба ҳалокат расида, айни замон бо кӯмаки сокинони рустои Ҳушёрӣ ҷасади ӯ ба соҳил бароварда шудааст.

Тавре Илҳомиддин Ашӯров, шоҳиди ҳодиса ба хабаргузории Озодагон зимни як тамоси телефонӣ иттилоъ дод, садама дар соати 16-у 50 дақиқа рух додааст: «Сарнишини КАМАЗ бо суръати баланд ҳаракат карда, аснои гардиши роҳ аз ӯҳдаи идораи мошин набаромада ба рӯди Варзоб ғарқ шудааст».
Бино ба қавли сарчашмаи хабар, сониҳаи мазкур дар километри 44-уми шоҳроҳи Душанбе-Хуҷанд ба вуқӯъ пайвастааст. Дар ҳоли ҳозир нақлиёт дар даруни дарё буда, аз систернаи он моеъи сӯзишворӣ ҷорист. Гузашта аз ин, барои аз рӯдхона берун кардани КАМАЗ крани пурқуввати борбардор ва мутахассисон заруранд. -- -То ҳамин соат касе аз Кумитаи ҳолатҳои фавқулодда ва мудофиаи гражданӣ ба маҳалли ҳодиса наомадааст,-афзуд манбаъ.     



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!