Баррасии масоили мушкилоти маводи нашъадор дар Душанбе

Дар  Душанбе бахшида ба мавзӯи масоили мушкилоти истеъмоли маводи нашъадор ва паҳншавии бемориҳои сироятӣ дар Тоҷикистон мизи мудаввар доир гардид.

Тавре Бобоҷони Шафеъ, сухангӯи Агентии мубориза бо маводи мухаддир ба Озодагон хабар дод, дар ин семинар аз ҷониби агентии назорати маводи нашъаовари назди Президенти Тоҷикистон дар якҷоягӣ бо созмони башардӯстонаи «СПИД Фонд Шарқ-Ғарб» (AIDS Foundation East-West, AFEW)-и Нидерланд созмон дода шуд. Дар кори он Муовини Директори АНМН Бунафша Одинаева бо сухани ифтитоҳӣ баромад намуд.
Бино ба иттилои манбаъ, чорабинии мазкур ба муносибати Рӯзи байналмилалии мубориза бо сӯйистеъмоли воситаҳои нашъадор ва муомилоти ғайриқонунии он, ки ҳамасола дар саросари ҷаҳон санаи 26-уми июн таҷлил мегардад, сурат гирифт. Мизи мудаввар дар чаҳорчӯби як лоиҳае, ки аз ҷониби Вазорати корҳои хориҷии Нидерланд маблағгузорӣ шудаст.
Зимни ҷараёни кори мизи мудаввар дар бораи вазъи мубориза бо маводи мухаддир дар Тоҷикистон, ҳолати эпидемиологӣ оид ба ВИЧ-ангезанда миёни истеъмолгарони нашъа ва натоиҷи таҳқиқот дар бораи баҳодиҳӣ ба эҳтиёҷот ва талаботи истеъмолгарони воситаҳои нашъадор маълумот пешниҳод гардид.
Манбаъ афзуд, ки ҳамчунин киноверсияи журналистони аксбардори нидерландӣ дар бораи хатсайри героини истеҳсоли Афғонистон дар муддати ду даҳсолаи охир ба таври мухтасар пешкаш шуд.

Мӯҳр