Русский  >>  فارسی  >>  Сешанбе 6 декабр 2016, 20:57

Дипломҳои Тоҷикистон дар Аврупо низ эътибор пайдо мекунанд

6 июн 2011, 12:02

Конвенсия оид ба пазируфтани маълумоти олии ҷумҳурии Тоҷикистон дар Аврупо ба имзо расид.

Дар ин бора ба хабаргузории «Озодагон» аз хадамоти матбуотии президенти Тоҷикистон иттилоъ доданд.Бино ба қавли манбаъ зери ин санад, имрӯз райисҷумҳури Тоҷикистон Эмомалӣ Раҳмон ва  Дабири кулли Шўрои Аврупо Торберн Янгланд имзо гузоштанд.

Ҳамчунин, имрӯз дар шаҳри Страссбурги Фаронса Эъломияи муштараки ҷумҳурии Тоҷикистон ва Шўрои Аврупо эълон гардид, ки дар он самтҳои густариши робитаҳои минбаъдаи ду ҷониб муайяну мушаххас гаштааст.Эмомалӣ Раҳмон ва Торберн Ягланд зимни нишасти матбуотӣ ба суолҳои хабарнигорон дурнамои рушди муносиботи Тоҷикистонро бо Иттиҳоди Аврупо ва кишварҳои аъзои он фароху умедбахш арза доштанд.
Торберн Ягланд изҳор дошт, ки президенти Тоҷикистон нахустин роҳбари давлат аз кишварҳои Осиёи Марказӣ аст, ки ба Шўрои Аврупо ташриф овард. Ў ҳамчунин ба нақши Тоҷикистон дар минтақаи Осиёи Марказӣ баҳои баланд дода, ҳавасмандии Шўрои Аврупо ва Иттиҳоди Аврупоро ба густариши ҳамкории гуногунҷанба бо Тоҷикистон таъкид намуд.
Интизор меравад, ки сарвари давлати Тоҷикистон Эмомалӣ Раҳмон дар Парлумони Иттиҳоди Аврупо суханронӣ намуда, бо президенти парлумони Аврупо Ежи Бузек ва роҳбарони як қатор кумитаҳо ва дигар сохторҳои он мулоқот  анҷом диҳад.

Ёдрас менамоем, президенти Тоҷикистон дар раъси як ҳайати калони ҳукуматӣ ҷиҳати анҷоми боздиди расмӣ феълан дар Фаронса қарор дорад ва дар доираи ин сафар аз кишварҳои Австрия, Люксембург ва Маҷористон низ дидан мекунад.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!