Русский  >>  فارسی  >>  Сешанбе 25 апрел 2017, 05:58

Таъсиси ҷамъияти дӯстии Австрия ва Тоҷикистон дар шахри Вена

19 июн 2012, 03:07

Бо ибтикори Сафорати Ҷумҳурии Тоҷикистон дар Австрия ва cозмонҳои ҷамъиятии ин кишвар Ҷамъияти дӯстии Австрия – Тоҷикистон таъсис дода шуд.

Ҳадафи асосии ташкили созмон- вусъат бахшидан ба робитаҳо ва ҳамкориҳои судманд миёни ҳарду кишвар дар риштаҳои мухталифи муносибатҳои дуҷониба ва муаррифии бештари дастовардҳои сиёсӣ, иқтисодӣ, иҷтимоӣ ва фарҳангии якдигар дар сатҳи ҷамъиятӣ мебошад. Раёсат ва аъзои Ҷамъият намояндагони соҳаҳои илму фарҳанг, зиёиён ва соҳибкорони кишвари иқоматро дар бар гирифта, ҳамаи онҳоро иртиботи мушаххас ва ҳамкорӣ бо Тоҷикистон дар ҷанбаҳои гуногуни ҳаёт муттаҳид менамояд.
Тавре ба хабаргузории Озодагон аз ВКХ иттилоъ доданд, аснои иҷлосияи таъсисӣ доктори улуми тиб, профессор Райнҳард Аммер, Президенти Ҷамъияти дӯстии Австрия –Тоҷикистон ва Алексей Покорний, Дабири кулли он интихоб гардиданд.
Сафири Тоҷикистон дар Австрия Нуриддин Шамсов зимни мулоқот бо Аммер аз ташкили Ҷамъияти дӯстӣ миёни ҳар ду кишвар истиқбол намуда, омодагии ҷониби Тоҷикистонро ҷиҳати дастгирӣ ва расонидани кӯмаки амалӣ ба фаъолияти он ҷиҳати таҳкими минбаъдаи муносибатҳои дуҷониба иброз кард.  
Зимни мулоқот доктор Райнҳард Аммер иброз дошт, ки барои рушди робитаҳои самарабахш миёни Австрия ва Тоҷикистон саъю кӯшиш хоҳад намуд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!