11 нафар марзбони қазоқ аз дидбонгоҳи сарҳадии Қазоқистону Чин фирор кардаанд.
Дар ин бораи Хадамоти ҳифзи сарҳадоти Вазорати амнияти Қазоқистон хабар медиҳад.
Субҳи 18 июн, 11 нафар сарҳадбонони хидмати ҳатмии ҳарбӣ аз дибонгоҳи «Терсайрик», гурӯҳи сарҳадбонии Зайсанск, ки ноябри соли 2011 ба хидмати аскарӣ даъват шуда буданд, худсарона, бе силоҳ ҳудуди дидбонгоҳро тарк намудаанд. Феълан, фирориёнро хадамоти сарҳадбонӣ, пулис ва масъулини амният дар пайгард қарор додаанд , - гуфта мешавад дар изҳорот.
Сардори дидбонгоҳи сарҳадӣ дар аввал кӯшиши бо нерӯи дохилӣ пайдо намудани фирориёнро кардааст ва аммо баъди он ки кӯшишаш натиҷа надодааст, танҳо шоми 18 июн ба раҳбариятиХадамоти сарҳадбонӣ хабар додааст.
Дар ҳамин ҳол, додситони низомии Қазоқистон аз рӯи ҳодисаи мазкур парвандаи ҷиноӣ боз намуда, сабабҳои эҳтимолии сар задани ҳодисаро муносиботи ғайриоинномавӣ унвон кардааст.
Ин ҳодисаи дуввум аст, ки тайи як моҳи охир дар дидбонгоҳҳои сарҳадии Қазоқистон ба вуқӯъ мепайванданд. Чанде пеш як гурӯҳи 14 нафарии сарҳадбонон дар дидбонгоҳи сарҳадии «Арканкерген» кушта шуда, дидбонгоҳ оташ зада шуда буд. Владислав Челах, ягона аскари қатории дар ин ҳодиса ҷон ба саломат бурда феълан ба ҳайси гумонбар дар боздоштгоҳ қарор дорад.
Мӯҳр