Русский  >>  فارسی  >>  Панҷшанбе 8 декабр 2016, 01:12

Соҳибкорони тоҷик ба намоишгоҳи ЭКСПО омодагӣ мебинанд

20 июн 2012, 08:54

Дар кохи «Пойтахт»-и шаҳри Душанбе муаррифии дувумин намоишгоҳи байналмилалии ЭКСПО «Хитой Авруосиё» бо иштироки васеи соҳибкорону коршиносон ва масъулини ниҳодҳои мухталифи кишвар оғоз гардид.

Тавре ба хабаргузории Озодагон аз Палатаи савдо ва саноат иттилоъ доданд, беш аз 250 соҳибкори ватанӣ, инчунин аъзоёни палата барои ширкат дар намоишгоҳи мазкур, ки дар назар аст,  аз 1 то 5 - уми сентябри соли равон дар нохияи Мухтори Синчуан - Уйғури Хитой  (Шинҷон)  баргузор гардад, омодагӣ мебинанд. Шариф Саид, раиси Палатаи савдо ва саноат, зимни муаррифии намоишгоҳ тоҷирону соҳибкорони чиниро барои ҳамкории бештар ҷиҳати рушди тиҷорат миёни Тоҷикистон ва Хитой даъват намуда, оид ба ҳамкориҳои дуҷониба ва моҳияти намоишгоҳи мазкур, ибрози назар намуд. Масъулини Палатаи савдо ва саноат мегӯянд, ширкатҳои чинӣ метавонанд, дар сохтмони биноҳо, истеҳсоли масолеҳи сохтмонӣ, хӯрокворӣ бо назардошти имкониятҳои мавҷуда, фаъолияти имрӯзаи худро дар кишвари мо боз ҳам тақвият бахшанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!