Русский  >>  فارسی  >>  Шанбе 10 декабр 2016, 23:29

Мавлуда Султонзодаи Абдулло, рӯзноманигори тоҷик рӯзи гузашта дар шаҳри Теҳрон аз дунё даргузашт

21 июн 2012, 12:51

Ҳабибулло Рабиев, шавҳари марҳум ба Озодагон гуфт, ки ҳамсараш аснои ташхиси дуюми тиббӣ дар беморхонаи касалиҳои саратони пойтахти Эрон соатҳои 8:30-и рӯзи гузашта вафот кардааст:

«Мавлуда тайи шаш соли ахир аз бемории саратон ранҷ мебурд ва имсол беморияш авҷ гирифта, ахиран таҳти муроқибати пизишкон қарор дошт. Ӯ ба ҳайси аспирант дар донишгоҳи Теҳрон таҳсил мекард ва мавзӯи «Дин ва ҷомеа»-ро таҳқиқ мекард. Айни замон ҳамроҳ бо се духтараш дар Эрон ба сар мебурд».
Ёдрас менамоем, ин бонуи рӯзноманигор бо навиштаҳои ҷиддӣ ва интиқодиаш дар нашрияҳои мустақили аввали солҳои 2000-ум шӯҳрат ёфт. Таҳқиқоту таҳлилҳои Мавлуда Султонзодаи Абдулло асосан дар нашрияҳои «Рӯзи нав»-у «Нерӯи сухан» ба чоп мерасиданд. Матлабе, ки ӯро бештар шӯҳратёр кард, «Раҳмонов кист?» унвон дошт, ки тобистони соли 2004 дар ҳафтаномаи «Нерӯи сухан» нашр шуд.
Барои силсилаи матлабҳояш аз ҷониби СММ ҷоиза низ гирифтааст.  

PS: Мавлуда Султонзодаи Абдулло 21-уми декабри соли 1968 дар шаҳри Кӯлоб ба дунё омадааст. Хатмкардаи Донишгоҳи славянии Тоҷикистону Русия аст. Муддате дар шӯъбаи умумии дастгоҳи иҷроияи райисҷумҳур фаъолият кардааст.
Бино ба қавли наздиконаш, қарор аст, ки рӯзи шанбе ҷанозаи ӯро аз тариқи ҳавопаймо ба Душанбе биёранд. Маросими дафн бошад, рӯзи якшанбе баргузор мешавад, аммо дар мавриди ҷойи ба хоксупории ӯ ҳанӯз мувофиқа нашудааст, ки зодгоҳаш-шаҳри Кӯлоб хоҳад буд ё Душанбе.    




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!