Пас аз чанд лаҳза дар толори хурди маҷмааи табъу нашри «Шарқи Озод» конференсияи илмӣ –амалӣ бо чунин унвон баргузор мешавад.
Тибқи иттилои Зинатуллоҳи Исмоил, муассиси «СМТ», дар ин чорабинӣ перомуни воқеият ва мушкилоти таъсиси телевизиони мустақил профессор Иброҳим Усмонов маърўза мекунад. Инчунин, дар мавзўи «Гузариш ба пахши рақамӣ: василаи рушд ва ё мушкили навбатии телевизионҳои мустақил» гузориши Раиси Ассосиатсияи истеҳсолкунандагон ва паҳнкунандагони маводи радиотелевизионӣ, директори ТВ «СМТ» Зинатулло Исмоилов дар назар аст. Сипас, иштирокчиёни конференсия – роҳбарону намояндагони созмонҳои журналистӣ, мақомоти давлативу ҷомеаи шаҳрвандӣ ва коршиносони мустақил роҷеъ ба мавзўъҳои баррасишаванда фикрҳои худро пешниҳод сохта, тавсияҳои мушаххасро роҷеъ ба ҷойгоҳи шабакаҳои мустақили телевизионӣ ва дурнамои фаъолияти онҳо таҳия мекунанд.
Таъсис ва фаъолият намудани шабакаҳои мустақили Тоҷикистон бинобар мушкилоти вобаста ба шаффоф набудани раванди иҷозатномадиҳӣ, мушкилоти пахш дар манотиқи мухталифи кишвар, аз ҷумла тўли ду соли охир ҳал наёфтани қазияи ТВ «Симои мустақили Тоҷикистон» бо пойгоҳи низомии Русия дар Тоҷикистон, мақоми шабакаҳои мустақил дар ҷомеаи кунунӣ, мўҳтаво ва сифати барномасозии онҳо, инчунин номуайян боқӣ мондани сарнавишти телевизионҳои мустақил ҳангоми гузариш ба пахши рақамӣ боиси он мегардад, ки дастрасии мардум ба воситаҳои мустақил ва алтернативии ахбор душвортар мегардад.
Мӯҳр