Тавре аз маркази матбуоти РБДА ба хабаргузории Озодагон иттилоъ доданд, рӯзи гузашта, 21-уми июни соли равон тахминан соати 11:30, ронандаи автомашинаи тамғаи Daewoo Cielo (Дэу сиело) Асомиддин Тошеви 36 сола аснои ҳаракат аз самти шаҳри Душанбе ба ҷониби ноҳияи Ҳисор дар километри 7-уми роҳ Душанбе-Айнӣ-Ҳисор, дар ҳудуди деҳаи Турдибобои ноҳияи Ҳисор аз ӯҳдаи идораи воситаи нақлиёт намбаромада онро чаппа мекунад.
Дар натиҷа, мусофири он, Шахсида Баҳромоваи 42 сола ҷароҳати вазнини ҷисмонӣ гирифта ҳангоми ба каслхона интиқол ёфтанаш дар роҳ ба ҳалокат мерасад.
Худи ҳамон рӯз тахминан соати 19:10 ронандаи нақлиёти тамғаи TOYOTA PRADO (Тойота Прадо) Одинамад Мирмамадови 23- сола ҳангоми ҳаракат аз ҷониби деҳаи Навободи ноҳияи Шуғнон ба самти шаҳри Хоруғ дар километри 16-уми роҳ, воситаи нақлиётро идора карда натавониста, онро ба канори чапи роҳ чаппа мекунад. Дар натиҷа, мусофири он Мавлуда Зайдуллоеваи 21 сола сахт захм бардошта дар бемористон ба ҳалокат расидааст.
Сарчашмаи хабар илова намуд, ки рӯзи гузашта дар роҳҳои автомобилгарди ҷумҳурӣ се сониҳаи нақлиёти ба қайд гирифта шудааст, ки бар асари он 2 нафар ба ҳалокат расида, 1 тани дигар ҷароҳат гирифтааст.
Мӯҳр