Русский  >>  فارسی  >>  Якшанбе 4 декабр 2016, 17:11

ИМА ба роҳи Қошғар - Ҳирот зиддияте надорад

22 июн 2012, 11:12

Кен Гросс, сафири Иёлоти муттаҳидаи Амрико дар Тоҷикистон изҳор дошт, ки кишвараш зиддияте дар мавриди роҳи оҳани Қошғар - Ҳирот, ки Чин - Қирғизистон - Тоҷикистон - Афғонистон -  Эронро бо ҳам мепайвандад, надорад.

Вай дар шароити мавҷуда тадбиқи ин лоиҳаро то ҷое тасаввурнопазир арзёбӣ кард, зеро дар доираи он пайвастани масофаи хеле калони шароити ҷуғрофиаш мураккаб дар назар буда, маблағҳои хеле бузург металабад. Сафири ИМА таъкид кард, ки дар баробари роҳи оҳан тавассути Тоҷикистон алтернативаи он тавассути Ӯзбекистону Туркманистон вуҷуд дорад.
Ахиран, Эрон ҳам ҷонибдориашро аз роҳи оҳан тавассути Ӯзбекистону Туркманистон изҳор доштааст. Манучеҳр Муродӣ, сафири Эрон дар Қирғизистон дар сӯҳбат бо оҷонсии итилоотии АКИpress омодагии кишварашро барои бунёди қисмати қирғизии роҳи оҳани Чин – Қирғизистон – Ӯзбекистон изҳор доштаст. Манучеҳр Муродӣ таъкид кардаст:
«Роҳи кӯтоҳтарин то уқёнуси ҷаҳонӣ аз ҳудуди Эрон мегузарад. Барои мо фарқ надорад, ки роҳи оҳан аз ҳудуди Ӯзбекистон мегузарад ё Тоҷикистон, муҳим он аст, ки дар ниҳоят он бояд бо роҳҳои оҳани Эрон бипайвандад».
Дар ҳамин ҳол Қалиқбек Султонов, вазири нақлиёту коммуникатсияи Қирғизистон ба сомонаи интернетии Tazabek дар мавриди пешниҳоди Тоҷикистон оид ба сохтмони роҳи оҳани Чин – Қирғизистон – Тоҷикистон – Афғонистон – Эрон хабар дода, афзудаст, ки то ҳол онро баррасӣ накардаанд: «Ин лоиҳа барои мо аҳамияти нисбатан камтар дорад, чун лоиҳаи дигари роҳи оҳан – Чин – Қирғизистон – Ӯзбекистон  аз нигоҳи иқтисодию стратегӣ аҳамияти бештар дорад».


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!