Русский  >>  فارسی  >>  Шанбе 3 декабр 2016, 22:43

Ҳукумати Тоҷикистон аз рӯи ноӯҳдабароӣ дар ҷаҳон ҷои 46-умро гирифтааст

22 июн 2012, 12:34

Хазинаи амрикоии сулҳ ва маҷаллаи маъруфи «Foreign Policy»-и Амрико рӯйхати кишварҳои ноӯҳдабаротарини ҷаҳон дар соли 2012-умро таҳия кардаанд. Тоҷикистон дар миёни 177 давлат зинаи 46-умро муаррифӣ мекунад.

Таҳиягарони рейтинг пеш аз ҳама қобилияти ҳукумати кишварҳоро барои таъмини тамомияти марзӣ, муътадилияти сиёсӣ, иқтисодӣ ва иҷтимоӣ баҳогузорӣ кардаанд.
Ин феҳраст аз соли 2005 ба ин сӯ ҳамасола таҳия шуда, муаллифони он асосан қобилияти панҷ институти  давлатӣ - роҳбарияти сиёсӣ, артиш, милиса, низоми судӣ ва хадамоти шаҳрвандиро мавриди таҳлил қарор медиҳанд.
Тоҷикистон дар ин рӯйхат аз Ӯзбакистону Қирғизистон «ӯҳдабаротар» баҳогузорӣ шуда, аммо аз кишварҳои дигари Иттиҳоди давлатҳои мустақил «ноӯҳдабаротар» арзёбӣ гардидааст. Дар рӯйхати давлатҳои ноӯҳдабаро Ӯзбакистон ҷои 39-ум, Қирғизистон  41, Тоҷикистон 46, Гурҷистон 51, Озарбойҷон 68, Молдова 73, Туркманистон 81, Белорус 85, Қазоқистон 107 ва Украина ҷои 113-умро гирифтаанд.
Кишварҳое, ки зинаи аз 165 то 177-умро муаррифӣ мекунанд, «ӯҳдабаротарин» маҳсуб ёфта, дар сархаташон Финляндия, Швейсия ва Дания қарор гирифтаанд.
Давлати аз ҳама ноӯҳдабаро Сомалӣ арзёбӣ мешавад, ки дар ҷои якум қарор дорад. Афғонистон дар ҷои 6 ва Ироқ дар зинаи 9-уми рейтинг нишастаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!