Дар Тоҷикистон ҳукумат барои соҳибкороне, ки мехоҳанд дар бахши саноати сабук коркарди пурраи пахта-аз ресмон то дӯхтани маҳсулоти тайёрро роҳандозӣ кунанд, имтиёзҳои хубе пешбинӣ кардааст.
Тибқи иттилои Вазорати энергетика ва саноати Тоҷикистон чунин корхонаҳо аз бархе намуди андозҳо озод буда, пахта ҳам ба онҳо нисбатан арзон фурӯхта мешавад.
Дар доираҳои соҳибкории Тоҷикистон ҳам тасдиқ карданд, ки давлат ба соҳаи коркарди пахта имтиёзҳои зиёдеро татбиқ кардаст. Аммо ба гуфтаи соҳибкорон имтиёзҳо аксаран ба корхонаҳое дахл доранд, ки наванд.
Соҳибкорони тоҷик дар Кодекси нави андоз пешниҳод намудаанд, ки имтиёзҳо нисбати корхонаҳои аз замони шӯравӣ фаъолияткунанда ҳам татбиқ гарданд, зеро онҳо ҳам ба навсозиҳо ниёз доранд.
Мӯҳр