Русский  >>  فارسی  >>  Ҷумъа 9 декабр 2016, 14:38

Узви ҳизби мардумӣ тарафдоронашро ба зӯроварӣ дар масоҷид даъват кард

28 июн 2012, 10:29

Аъзои ҳизби мардумии Швейсария ҷонибдоронашро рӯирост ба доир кардани «Шаби булурин» даъват кардааст.

Александр Мюллер, узви ҳизби радикалии Швейсария дар Твиттер аз ҷонибдоронаш даъват кардааст, то ин навбат «Шаби булурин»-ро  дар масоҷиди мусулмонӣ роҳандозӣ намоянд. Ӯ навиштааст: «Шояд барои мо такрори «Шаби булурин» лозим аст... аммо ин навбат дар масоҷид».
Даъвати ошкорои Мюллер барои зӯроварӣ ҷонибдоронашро ба хашм овардааст. Ҳатто роҳбарияти Ҳизби мардумии Швейсария дар изҳороте гуфтааст, ягон гуна такрори амалоти аъзояшро аз диктатори нафратбарангези Ҳитлер таҳаммул нахоҳад кард.
Пулиси Швейтсария аллакай хонаи Мюллерро мавриди бозкобӣ қарор додааст. Худи ҳамон рӯз ширкати суғуртавие, ки Мюллер дар он кор мекард, бо ӯ қарордоди меҳнатиро қатъ намуда, ӯро аз кор рондааст.

«Шаби булурин» (Хрусталная ноч) аввалин амали зӯроварие буд, ки аз сӯи фашистон дар қиболи яҳудиён шаби 9-ум ба 10-уми ноябри соли 1938 роҳандозӣ гардид. Дар он шаб гурӯҳҳои миллатгарои немис дар даҳҳо шаҳр ба синагогу мағоза ва дигар муассисаҳое, ки ба яҳудиён мутааллиқ буд, ҳуҷуми тахрибовар карданд.
Гуфтанист, маҳз бо кӯшиши аъзову ҷонибдорони ҳамин ҳизб дар Швейсария ҳамапурсие сурат гирифт, ки сохтмони масоҷидро дар ин кишвар қонунан мамнӯъ кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!