Русский  >>  فارسی  >>  Шанбе 10 декабр 2016, 17:44

БҶ дар Тоҷикистон модели нави муносибати давлатро ба соҳибкорон пешниҳод кард

30 июн 2012, 05:55

Созмони молиявии байналмилалӣ, яке аз зерсохторҳои Бонки ҷаҳонӣ дар натиҷаи омӯзиши муҳити соҳибкории Тоҷикистон муайян кардаст, ки мушкилоти бахши хусусӣ дар кишвар ба  дахолати ниҳодҳои давлатӣ рабт мегиранд.


Тибқи иттилои намояндагии Бонки ҷаҳонӣ дар Тоҷикистон, рӯзе пеш бо натиҷаҳои пешакии омӯзиши мазкур, аллакай намояндагони бахши хусусӣ, созмонҳои байналмилалӣ ва ниҳодҳои ҳукуматӣ шинос шудаанд.  Намояндагони бонки ҷаҳонӣ мегӯянд дар кишвар мушкилоти асосии корхонаҳо, соҳибкорони инфиродӣ  ва хоҷагиҳои деҳқонӣ  тақрибан якхелаанд ва асосан зимни муносибат ниҳодҳои давлатӣ сурат мегиранд.  Бо назардошти мушкилзо будани муносибати ниҳодҳои давлатӣ барои рушди тиҷорату соҳибкорӣ дар Тоҷикистон зимни муаррифии натиҷаҳои омӯзиш пеш аз ҳама роҳҳои ҳавасмандкунии ниҳодҳои давлатӣ барои хизматрасонии беҳтар ба бахши хусусӣ баррасӣ шудаанд.   
Аз ҷумла, таҳиягарони омӯзиш ба хулоса омадаанд, ки дар Тоҷикистон бояд модели муносибати ниҳодҳои давлатӣ бо намояндагони бахши хусусӣ нав гардад. Аз модели мавҷуда, ки ниҳодҳо ба назорати меъёрҳои гуногун машғуланд, зарур аст, ки ба намояндагони бахши хусусӣ ҳамчун ба муштарӣ муносибат намоянду розигии муштарӣ сармашқи корашон бошад.
Ин модел ба гуфтаи намояндагони Бонки ҷаҳонӣ дар муносибати давлату бахши хусусӣ дар Тоҷикистон таҳавуллот хоҳад овард.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!