Таърифи нодуруст дар матбуоти кишвар зиёд ба назар мерасад. Танқид ҳам

Риояи меъёрҳои забони тоҷикӣ ва тарзи пешниҳоди мавод дар расонаҳои кишвар дар қиёс ба чанд соли қабл хеле ором ва мӯътадил шудааст.

Ин нуктаро профессор Иброҳим Усмонов, зимни як ҳамойиш, ки имрӯз дар Душанбе бо ибтикори Шӯрои ВАО баргузор шуд, иброз дошт. Номбурда қайд намуд, ки бархе аз расонаҳо ба «сенсатсия» дода шуда, барои ҷалб намудани хонанда, дар тарзи пешниҳоди мавзӯъҳо ба иштибоҳи ҷиддӣ роҳ медиҳанд, ки ин мухолиф ба меъёрҳои ахлоқии журналистика аст.   
Ба гуфти ӯ, имрӯз нодуруст таърифу тавсиф кардан дар матбуоти ҳукуматӣ хеле зиёд аст ва ин омил то ҷое дар расонаҳои мустақил ҳам ба назар мерасад.     
Зимнан, дар ин нишаст, ки устодону донишҷӯён, масъулин аз ҳукумати пойтахт ширкат доштанд, асосан нозукиҳои кодекси одоби ахлоқ, худдорӣ намудани журналистон аз ҳар гуна омилҳое, ки мухолифи ин кодекс аст, баррасӣ гардид. Қайд шуд, ки ҳадафи аслии як чунин семинарҳо ба хабарнигоррон фаҳмонидани этика ва ахлоқи журналистӣ ва ислоҳи камбудиҳои ҷойдошта аст.
Мӯҳр