Русский  >>  فارسی  >>  Якшанбе 4 декабр 2016, 13:05

Ҳалокати се нафар бар асари ду садама

2 июл 2012, 11:45

Сониҳаи нақлиётӣ дар шоҳроҳи Ваҳдат-Рашт-Ҷиргатол мунҷар ба марги ду нафар шуд.

Тибқи иттилои РБДА, рӯзи гузашта (1-уми июл) ронандаи автомашинаи тамғаи «Опел-Астра»- Шервон Шодиеви 27- сола, сокини шаҳраки Ғарми ноҳияи Рашт асноии ҳаракат аз тарафи Ғарм ба самти ноҳияи Тоҷикобод, дар километри 163-юми шоҳроҳи Ваҳдат-Рашт-Ҷиргатол аз ӯҳдаи идораи воситаи нақлиёт набаромада, ба тарафи чапи роҳ баромада, ба бетони канори роҳ бархӯрдааст. Дар натиҷа, мусофирони автомашинаи мазкур Муҳаммад Лутфуллоеви 16- сола ва Мустафо Зоирови16- сола, сокинони шаҳраки Ғарм, ҷароҳатҳои вазнини ҷисмонӣ бардошта, дар касалхона ба ҳалокат расидаанд. Мусофири дигар, Саймухтор Ҳоҷиеви15- сола ҷароҳати вазнини ҷисмонӣ бардошта, дар беморхона бистарӣ шудааст.
Худи ҳамон рӯз, тахминан соати 12:00, ронандаи автомашинаи тамғаи «Мерседес-Бенс» рақами қайди давлатиаш ЕТ 39-93 01 РТ -Сунатулло Ҳабибуллоеви 27- сола, сокини деҳаи Баҳористони ноҳияи Рӯдакӣ ҳангоми ҳаракат аз тарафи кӯчаи Ҷавонон ба самти шаҳри Душанбе бехатарии ҳаракати воситаи нақлиётро риоя накарда, пиёдагарди  ноболиғ Дилнора Ашӯроваи 5 -сола, сокини шаҳраки Сомониёни ноҳияи Рӯдакиро пахш намудааст. Ҷабрдида ҷароҳати вазнини ҷисмонӣ гирифта, дар маҳалли ҳодиса ба ҳалокат расидааст.
Сарчашмаи хабар илова намуд, ки шабонарӯзи гузашта дар роҳҳои нақлиётгарди ҷумҳурӣ 9 сониҳаи нақлиётӣ ба қайд гирифта шудааст, ки бар асари он 3 нафар ба ҳалокат расида, 11 тани дигар ҷароҳат гирифтаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!