Русский  >>  فارسی  >>  Душанбе 5 декабр 2016, 19:38

Пирӯзии ҷавонони Тоҷикистон дар футбол, аммо бенатиҷа

3 июл 2012, 12:13

Дастаи мунтахаби ҷавонони Тоҷикистон оид ба футбол дар мусобиқаи интихобии қаҳрамонии футболи Осиё (U-22) тими ҷавонони Қатарро бо ҳисоби 4:2 шикаст дод.

Аммо натиҷаи ин бозӣ барои ба даври дигар баромадани тими мо нақше намебозад. Ин сабқати даври панҷуми гурӯҳи «С» буда, имрӯз, 3- юми июл дар варзишгоҳи «Ханг Ҷебат»-и шаҳри Малакаи Малайзия баргузор гардид. Нимаи аввали дидор бо ҳисоби 0:1 ба фоидаи футболбозони Қатар анҷом ёфт.
Дар қисмати аввали вохӯрӣ Фирдавс Қурбонов, бозигари мунтахаби ҷавонони кишвар чанд имконияти хуби голзаниро истифода карда натавонист. Ҳамин тариқ Дчасер Яхиа Мадани, бозигари Қатар дар дақиқаи 41-уми сабқат ҳисобро   кушод.
Нимаи дуюми сабқат Азимҷони Юнусзода, ҳамлагари мунтахаби ҷавонони Тоҷикистон (дар дақиқаи 57-ум) тӯбро ба дарвозаи ҳариф ворид намуда, ҳисобро баробар намуд. Дар дақиқаи 70-ум Шодибек Ғаффоров аз имконияти хуби голзанӣ (ҷаримаи ёздаҳметра) хуб истифода намуда, голи дуюмро зад. Абдулло Афифа, бозингари дигар тими Қатар пас аз ду дақиқаи голзании ҷавонони Тоҷикистон дар дақиқаи 72-юм ҳисобро баробар намуд. Дар дақиқаи 85-уми дидор Азимҷони Юнусзода голи дуюми худро ба ҳадаф расонида, ин дафъа ҳисобро тағйир дод. Шодибек Ғаффоров голи дуюми худро дар дақиқаи охирини вақти асосии сабқат, дақиқаи 90-ум вориди дарвозаи ҳариф намуда, ғалабаи дастаашро таъмин намуд.       
Ёдрас менамоем, мунтахаби ҷавонони Тоҷикистон дар нахустин бозӣ аз тими Баҳрайн бо ҳисоби 1:2 мағлуб гардида, дар дидори дуюм мунтахаби Малдивро бо ҳисоби 2:1 шикаст дод. Дар бозии даври сеюм бошад, аз тими Қувайт бо ҳисоби 0:1 мағлуб шуд. Дар бозии даври чорум бошад, аз тими Эрон бо ҳисоби 0:2 шикаст хурда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!