Русский  >>  فارسی  >>  Шанбе 3 декабр 2016, 11:44

Вазорати маориф норасоии аттестатро бо айби КТН «Шарқи озод» унвон кард

4 июл 2012, 10:10

Сабаби ба таъхир афтодани чопи ҳуҷҷатҳои  намунаи давлатӣ ин нуқсони техникӣ аз ҷониби Комплекси табъу нашри «Шарқи озод», ки масъули чопи ҳуҷҷатҳои намунаи давлатӣ дар бораи таҳсилот (шаҳодатномаи хатми таҳсилоти асосӣ ва миёнаи умумӣ) аст, мебошад.

Тавре ба Озодагон аз вазорати маориф иттилоъ доданд, зимни қабули ҳуҷҷатҳои мазкур муайян карда шуд, ки навиштаҷоти муқоваи шаҳодатнома дар бораи таҳсилоти миёнаи умумӣ бо навиштаҷоти дохили он мувофиқат намекунад. Ин нуқсони техникӣ аз ҷониби Комплекси табъу нашри «Шарқи озод» рух додааст.
Бино ба иттилои манбаъ, инчунин барои пешгирӣ намудани амалҳои коррупсионӣ ҳангоми тақсимоту гирифтани шаҳодатномаи хатми таҳсилоти умумии асосӣ ва миёнаи умумӣ Вазорати маорифи Тоҷикистон «Тартиби қабул, бақайдгирӣ, нигоҳдорӣ ва супоридани ҳуҷҷатҳои намунаи давлатӣ дар бораи таҳсилот»-ро аз сари нав коркард намуд, ки тибқи он ҳуҷҷатҳои намунаи давлатӣ дар бораи таҳсилот танҳо баъд аз пешниҳоди нусхаи фармоиш оид ба хатми хатмкунандагон дода мешавад.     
Бо мақсади пешгирӣ намудани овозаҳои беасос, ки боиси нигаронии хатмкунандагони муассисаҳои таҳсилоти умумии Тоҷикистон ва падару модарони онҳо гаштааст, Вазорати маориф тасмим гирифт, ки дар мӯҳлати кӯтоҳтарин чопи ҳуҷҷатҳоро роҳандозӣ карда, дастраси муассисаҳои таълимӣ намояд.
Ҳамзамон итттилоъ дода мешавад, ки то ба имрӯз  муассисаҳои таҳсилоти миёнаи умумии вилоятҳои Суғду Хатлон, шаҳрҳои Душанбе, Хоруғ, Роғун, Турсунзода ва ноҳияҳои Рӯдакӣ, Варзоб ва Тавилдара бо ҳуҷҷатҳои намунаи давлатӣ дар бораи таҳсилот пурра таъмин шудаанд.   
Зимнан, бо дарназардошти вазъи баамаломада Вазорати маорифи Тоҷикистон тамдиди мӯҳлати қабули ҳуҷҷатҳои довталабонро ба муассисаҳои таҳсилоти ибтидоӣ, миёна ва олии касбӣ дар назар дорад.





Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!