Вазорати дифои Эрон зарари аз сӯи Русия расидаро дар пайи таъмин накардани аслиҳаи вазнини низомӣ чор миллиард долар баршумурд.
Гуфта мешавад Русия мебоист тибқи созишномаи миёни Эрону Русия аз соли 2007 ба Теҳрон рокетҳои тамғаи С-300 - ро дастрас менамуд. Акнун вазорати дифои Эрон аз болои ширкати "Рособоронэкспорт" - и Русия ба додгоҳи арбитражи Женева шикоят бурда, рӯёнидани чизе камтар аз чор миллирад долларро тақозо кардааст.
Русия дастрас намудани рокетҳои зенитии С-300-ро шурӯъ аз соли 2010 ба Эрон, баъди таҳримоти СММ нисбати Техрон ба ин кишвар мутаваққиф кард.
Рӯзномаҳои чопи Теҳрон менависанд, ки Эрон шонси зиёди бурд дар додгоҳро дорад ва аммо ҳадафи аслии Эрон маблағ нест, балки водор кардани Русия барои манзур кардани аслиҳаи вазнин ва қисмҳои эҳтиётӣ барои дигар лавозимоте мебошад, ки қаблан аз кишвари Русия харидорӣ шудааст. Тибқи шартномаҳо ҷонибе, ки аслиҳаро фурӯхтааст, ӯҳдадор аст, қисмҳои эҳтиётии онро таъмин созад.
Ёдовар мешавем, ки фармон дар бораи қатъи манзур кардани нақлиёту таёраҳои ҳарбӣ, чархболҳо ва киштиҳои ҷангӣ ва мушакҳои зенитиро президенти собиқи Русия Дмитрий Медведев дар соли 2010 имзо карда буд.
Мӯҳр