Русский  >>  فارسی  >>  Ҷумъа 9 декабр 2016, 20:27

Н.Саидов: Дар Тоҷикистон зарурияти гузаштан ба хати форсӣ нест

9 июл 2012, 12:43

-Дар масъалаи баҳси донишмандон ва олимони тоҷик, ки мо бояд ба хати форсӣ гузарем, ман фикр мекунам, ки Тоҷикистон барои  гузаштан ба хати форсӣ ягон  зарурат надорад,- гуфт Нуриддин Саидов, вазири маорифи кишвар.

Ба гуфтаи Нуриддин Саидов, мамлакати мо як бор не, ду-се бор ин марҳиларо санҷида баромадааст: «Мо медонем, ки ин чӣ маъно дорад ва таҷрибаи ҳамсоя як бори дигар нишон дод, ки ягон зарурият надорад ба хати форсӣ гузаштани мамлакати мо».
Ӯ афзуд, он нафароне, ки мехоҳанд хати форсиро омӯзанд, марҳамат дар барномаи таълимии макотиби таҳсилоти умумӣ фанни «Алифбои ниёгон» мавҷуд аст ва аз он метавонанд ҳуруфи ниёгонро биомӯзанд.   
Бойиси тазаккур аст, ки чанде пеш дар як маҳфили фарҳангӣ профессор Мӯсо Диноршоев, узви Академияи илмҳои Тоҷикистон гуфта буд, ки  ҷонибдори ба хатти форсӣ гузаштани забони тоҷикӣ мебошад: «Тоҷикон дар гузашта шоирони соҳибдевони зиёде доштанд, ки имкони тамоми асарҳои онҳоро ба хати кириллӣ гардонидан мавҷуд нест. Гузашта аз ин, дар Тоҷикистон раванди тарҷума ва баргардонии асарҳои маъруфи замонавӣ чандон роиҷ нест, аммо охирин китобҳои маъруфи Ғарб дар Эрон дар камтарин фурсат бо хати форсӣ баргардонида мешаванд».
Академик Диноршоев мӯътақид аст, ки дар сурати ба хати форсӣ гузаштан, тоҷикон имкони ба осонӣ мутолиа кардани онҳоро хоҳанд дошт. Ба қавли ӯ, хати кириллии тоҷикӣ танҳо дар Тоҷикистон лозим мешавад. Яке аз далелҳои дигари зарурати ба хатти форсӣ гузаштани забони тоҷикиро номбурда ба вожаҳое рабт дод, ки дар форсӣ бо ҳарфҳои мухталиф навишта шуда маънии гуногун доранд, аммо дар хатти кириллӣ як хел навишта мешаванд.
-Ҳамин аст, ки ҳангоми ба форсӣ баргардонидани шеърҳои шоирони мо, адабиётшиносони эрону афғон ба заъфи вазниву қофиявии онҳо ишора мекунанд-афзуд профессор.





Шарҳи худро бинависед:

Ном:*
E-Mail:
Матни шарҳ:
Посух додан
  • Самарзода

  • 15 сентябр 2013 00:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вой бар ҳоли Вазири маорифе ки мегӯяд, Тоҷикистон ба хати форсӣ зарурат надорад.
Ҷаноби Вазир оё шумо аз Тоҷикитон ба хориҷ рафтаед. Ба мо бигӯед, ки чанд давлати дигар бо забони форсӣ такаллум мекунад.
Агар Вазири молия ё мудофиа ин гапро мегуфтанд, боке набуд, вале он нафаре ки масъулияти мустақимро дар гузаштан ба хати форсиро бар дӯш дорад ҳамин гапро гуфтаасте.
Ҷаноби вазири маориф оё дар пеши наберагонатон шумо чи ҷавоб мегуед?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кариб дар хамаи Республикахои пасошурави мувофики хохишоти мардум ба ягон хате гузаштанд, масалан : Узбакистон ба хати Лотини гузашт. Республикахои Прибалтика бо хати ниёгони худашон, Озарбойчон бо хати худаш, Армения ва Грузия дар давраи Шурави хати худро доштанд, Молдаванхо бо хати худашон ё ин ки бо хати Руминяги гузаштанд. Охирон ин Украина забони давлатиашонро хифз намуданд ва аз забони Руси канор чустанд. Аммо мо Точикон чи? То имруз канори як чуб давр зада истодаем ва намедонем кадом тарафаш сараш бошад ва кадом тарафаш нукаш. Ба наздики мизи мудаввари Казокистонро тамошо кардам, хатто онхо талош доранд, ки ба хати форси гузаранд, чи расад, ки мо мегуем ва хатто ифтихор дорем, ки ин хати форси бечуну чаро хати ниёгони мо хаст. Сад афсус бо ин хел вазири маориф ки мегуяд, Точикистон ба хати форси зарурат надорад. Мухтарам вазири маориф чумхурии мо як умр чунин боки нахохад монд. Фардо пас аз сари шумо наберахоятон туро хоини миллату ватан ном мебаранд, чуноне,ки дар солхои 30-ум чунин корхоро карда буданд ва нафрини якумра хам шуданд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!