Русский  >>  فارسی  >>  Сешанбе 6 декабр 2016, 01:38

«Регар-ТадАЗ» пешсафи даври аввал

12 июл 2012, 12:43

Шаш дастаи Лигаи олӣ бозиҳои давраи аввали мусобиқаи қаҳрамонии футболи Тоҷикистонро ба анҷом расониданд. Бозиҳои дигари мавқуфмонда идома дорад.

Се бозии мавқуфгузоштаи даври 9-уми мусобиқа дирӯз, 11-уми июл баргузор шуд. Дастаи «Вахш»-и Қӯрғонтеппа дар майдони худ аз тими «Истиқлол»-и Душанбе бо ҳисоби 0:1 шикаст хӯрд. Тими «Парвоз»-и ноҳияи Бобоҷон Ғафуров дар варзишгоҳи худ дастаи «Энергетик»-и Душанберо бо ҳисоби 2:1 мағлуб кард. ССКА «Помир»-и Душанбе ва «Хайр»-и Ваҳдат дар Душанбе вориди рақобат шуданд. Бози мусовӣ- 0:0 анҷом ёфт.

«Регар-ТадАЗ», «Истиқлол», «Хуҷанд», «Истаравшан», «Ҳосилот» ва «Зарафшон» бозиҳои давраи аввали мусобиқотро ба анҷом расониданд. Тими «Регар-ТадАЗ» бо 32 имтиёз ғолиби давраи аввал гардид. «Равшан» 28 хол ба даст овард ва новобаста аз натиҷаи бозии мавқуфмондааш бо «Вахш» (21-уми июл дар шаҳри Қӯрғонтеппа) дар давраи аввал ҷойи дуюмро соҳиб шуд. «Истиқлол» бо 26 имтиёз дар зинаи сеюм қарор дорад.

Дилшод Восиев аз дастаи «Истиқлол» бо 10 гол дар садри нишонзанҳои беҳтарин қарор дорад. Асадулло Бобоҷонов аз тими «Парвоз» бо 9 гол мақоми дуюмро касб кардааст. Габриэл Донто аз дастаи «Энергетик» ва Мансур Ҳакимов аз «Парвоз» 8 голӣ задаанд.
Ҳамин тариқ 17-уми июл, бозии даври 10-ум миёни дастаҳои «Хайр» - «Вахш» ва
бозии даври 11-ум миёни ССКА «Помир» - «Энергетик» баргузор мегардад.

21-уми июл бозии даври 11-ум миёни дастаҳои «Вахш» - «Равшан», бозии даври 12-ум
байни «Гвардия» - ССКА «Помир», 25-уми июл бошад, бозии даври 12-ум миёни
«Энергетик» - «Вахш», бозии даври 13-ум байни ССКА «Помир» - «Парвоз», 28-уми июл,
бозии даври 13-ум миёни дастаҳо «Вахш» - «Гвардия» баргузор хоҳад шуд.
Оғози ҳамаи бозиҳо соати 17:30.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!