Русский  >>  فارسی  >>  Панҷшанбе 8 декабр 2016, 16:58

15 низомӣ дар Кӯлоб муҷозот шуданд. Ҷустуҷӯи фирориён идома дорад

16 июл 2012, 05:13

Прокуратураи ҳарбии гарнизони Кӯлоб 5 фирории даъватшударо, ки ба қисми ҳарбӣ бояд интиқол мешуданд, мавриди ҷустуҷӯ қарор додааст.

Бино ба иттилои Икром Зоиров, прокурори ҳарбии гарнизони Кӯлоб, моҳи майи имсол ҳангоми сафарбарии даъватшавандагон ба қисми ҳарбии дар вилояти Бадахшон буда, 8 нафар аз даъватшудагон, дар вақти исти нақлиёт дар пули вайроншуда дар ноҳияи Шӯрообод, фирор кардаанд. Танҳо баъди як рӯзи фирор 1 фирорӣ боздошт гардида, баъди 4 рӯзи дигар 2 каси дигар ихтиёрӣ ба прокуратура омадаанд. Буду боши 5 гурезаи ҳарбии дигар ҳанӯз номаълум боқӣ мемонад.
Ба гуфтаи прокурори ҳарбӣ, агар даъватшудагон рӯзҳои наздик аз худ дарак надиҳанд, нисбати эшон парвандаи ҷиноятӣ оғоз гардида, ҳар кадомеро мӯҳлати аз 5 то 10 соли маҳрумият аз озодӣ таҳдид мекунад: «Дар ин бора кормандони прокуратура бо наздикони ин фирориён дар вохурӣ буданд ва аз ҳолати пешомада хабардор кардаанд. Ҳамаи фирориён истиқоматкунандагони навоҳии тобеи маркази ҷумҳурӣ мебошанд».   
Дар ҳамин ҳол, дар прокуратураи ҳарбии гарнизони Кӯлоб дар 6 моҳи соли ҷорӣ 21 ҷиноят ба қайд гирифта шуда, нисбат ба 29 нафар аз хизматчиёни ҳарбӣ парвандаи ҷиноятӣ кушода шудааст. Аз ҳамин шумора, 15 парванда ба суд ирсол ёфта, 15 нафари эшон муҷозот гаштаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!