Русский  >>  فارسی  >>  Якшанбе 4 декабр 2016, 21:19

Убайдуллоев: Рӯзе нест, ки мардум дар «Фейсбук» нисбати қарор ва мурофиаҳои судӣ фикрронӣ накунанд

19 июл 2012, 11:06

Дар иҷлосияи даҳуми Маҷлиси миллии Маҷлиси Олии Тоҷикистон, ки таҳти роҳбарии Маҳмадсаид Убайдуллоев баргузор гардид, 38 қонун ва лоиҳаҳои қонун, ки дар рӯзномаи маҷлис пешбинӣ шуда буд, аз ҷониби аъзоёни палатаи болоии парлумони кишвар бе ягон пешниҳоду дархост қабул гардид.

Дар ҷаласа аз ҷумла қонун «Оид ба ворид намудани тағйирот ба Қонуни конститутсионии Ҷумурии Тоҷикистон, «Дар бораи судҳои Ҷумурии Тоҷикистон», қонун «Дар бораи мақомоти прокуратура», «Дар бораи ворид намудани тағйру иловаҳо ба Кодекси ҳуқуқвайронкунии маъмурӣ», «Дар бораи ворид намудани тағйирот ба Кодекси меҳнат», «Дар бораи мубориза бар зидди терроризм», «Дар бораи ҳифзи меҳнат», «Дар бораи милитсия», «Дар бораи нишондиҳанда барои ҳисобҳо», «Дар бораи баҳодиҳии мутобиқат» ва ғайраҳо мавриди баррасӣ қарор гирифтанд.
Зимни қабули қонун «Дар бораи ворид намудани тағйирот ба Кодекси гумруки Ҷумҳурии Тоҷикистон» гуфта шуд, ки мақсади пешниҳод ва қабули ин қонун аз такмили қонунгузорӣ, танзим намудани пардохти кӯмакпулиҳои яквақта, иловапулиҳо ва дигар ҷубронпулиҳо ҳангоми ба нафақа баромадан, дар ҳолати фавт ва инчунин ҳалок гардидан ҳангоми иҷрои вазифа дар доираи буҷаи давлатӣ ва тақвият бахшидани Тоҷикистон ба Созмони умумиҷаҳонии савдо иборат мебошад.
Зимни иҷлосияи Маҷлиси миллӣ ҳамчунин қонунҳое қабул гардид, ки ба бехатарии маҳсулоти хурокворӣ, ҷамъоварӣ, нигаҳдорӣ ва истифодабарии оқилонаи захираи генетикии набототи корам, нафақаи суғуртавӣ ва давлатӣ ва омода намудани мутахассисон бо назардошти талаботи бозори меҳнат рабт дошт. Баъди қабули қонун «Оид ба ворид намудани тағйру иловаҳо ба Кодекси замини Ҷумҳурии Тоҷикистон» қайд гардид, ки тибқи ин тағйирот минбаъд гирифтан ва додани қитъаи замин дар қаламрави кишвар бо мақсади умумидавлатӣ бевосита ба салоҳияти ҳукумати Тоҷикистон дохил мешавад. Дар тағйироти мазкур қитъаҳои замини тақсимшаванда ва тақсимнашаванда муайян шудааст.
Дар ин ҷаласа масъалаи иваз намудани номи шаҳраку ноҳияҳо ва таъини судяҳо ба Суди олии Тоҷикистон низ баррасӣ шуд. Салоҳуддин Тошов ва Аҳтам Акрамов судияи Суди олӣ ва Мирзо Шоҳматов судияи Суди олии иқтисодӣ интихоб гардиданд. Маҳмадсаид Убайдуллоев, раиси Маҷлиси миллии Маҷлиси олӣ бо таваҷҷӯҳ ба интихоби судяҳо  иброз дошт, ки адолати судӣ бояд рӯз то рӯз қавитар гардад. Номбурда ба судяҳои интихобшуда гуфт, ҷиҳати риояи волоияти қонун тамоми дониш ва маҳорати худро равона созанд:
«Бовар кунед, рӯзе нест, ки мардум дар шабакаҳои иҷтимоӣ, аз ҷумла «Фейсбук» нисбати ин ё он қарори суд, умуман мурофияҳои судӣ фикрронӣ накунанд».




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!