Русский  >>  فارسی  >>  Панҷшанбе 8 декабр 2016, 21:01

Хоруғ: 9 кушта ва 25 захмӣ дар амалиёти низомӣ

24 июл 2012, 09:01

Дар ин бора бахши русии радиои ВВС иттилоъ медиҳад

Бино ба навиштаи ин расона, дар амалиёти махсус, ки алъон алайҳи Толиб Айёмбеков ва гурӯҳи ӯ дар Хоруғ идома дорад, 9 нафар низомиёни мақомоти қудратии Тоҷикистон ба ҳалокат расида, 25 тани дигар ҷароҳатҳои вазнин бардоштаанд.Ҷониби дигар низ талафоти ҷонӣ додааст, аммо шумораи он дақиқ нест. Дар ин бора як  шоҳиди айнӣ тариқи телефони моҳвораӣ (спутниковий связ) ба бахши русии ВВС иттилоъ додааст.

Ин расона мегнависад, теъдоди кушташудагон ва захмиёни гурӯҳи мусаллаҳи ғайриқонунӣ маълум нест. Аз талафот миёни  аҳолии осоишта иттилое рӯйи даст нест. Ҳоло ҳам дар шаҳр садои тир шунида мешавад.Бозори марказӣ, мағозаҳо ва нақлиёти ҷамъиятӣ кор намекунанд. Роҳ ба сӯи Хоруғ баста ва ворид шудан ба он ҳанӯз ҳам ғайриимкон аст.

Маврид ба ёдоварист, рӯзи 21-уми июл аснои бозгашт аз сафари хизматӣ аз ноҳияи Ишкошим дар даромадгоҳи шаҳри Хоруғ генерал-майор Назаров Абдулло Саъдуллоевич , сардори раёсати Кумитаи давлатии амнияти миллии Ҷумҳурии Тоҷикистон дар Вилояти Мухтори Кўҳистони Бадахшон бар асари ҳамлаи ногаҳонии гурўҳи муташаккили ҷиноӣ, ки ба қочоқи тамоку даст доштаанд, ба ҳалокат расид.

Баъдан изҳороти расмии ВКД ва КДАМ-и Тоҷикистон ба нашр расид, ки  ҷинояти мазкур аз ҷониби аъзои дастаи мусаллаҳи Толиб Айёмбеков, сардори қитъаи сарҳадии Ишкошим содир гардидааст.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!