Русский  >>  فارسی  >>  Якшанбе 11 декабр 2016, 01:20

Авзоъ дар пойтахти ВМКБ муташанниҷ боқӣ мемонад

24 июл 2012, 12:36

Вазъ дар шаҳри Хоруғ ба дунболи задухӯрди нирӯҳои таъйиноти махсуси ҳукумати Тоҷикистон ва гурӯҳи мусаллаҳи марбут ба Толиб Аёмбеков печида шудааст.

Дар ин бора хабарнигори радиои Озодӣ аз Хоруғ телефонӣ иттилоъ додааст.Бино ба маълумоти ҳар ду ҷониб ҳам хисороти зиёди ҷонӣ дидаанд, ки то ҳол теъдоди дақиқаш маълум  нест. Аммо бо ин ки садои тир соатҳо хомӯш намешуд, бисёриҳо итминон доранд, ки теъдоди қурбониҳо аз 100 нафар бештар бошад.

Ҳамчунин, гуфта мешавад, ки теъдоде аз мардум бо шиорҳои “Қатъи амалиёти низомӣ дар Хоруғ” дар майдон ҷамъ шудаанд ва аз мақомот мехоҳанд, қазияро бо роҳи мусолиматомез ҳал кунанд. Бино ба иттилоъ пеш аз амалиёти низомӣ  дархосте барои берун рафтани мардум аз шаҳр ба миён гузошта нашуд ва аз ин рӯ, шаҳрвандон то охирин лаҳза интизор доштанд, ки қазия бидуни амалиёт ҳал мешавад. Вале ба дарозо кашида шудани амалиёт дар байни мардум тарсу ҳарос ва эътирозҳоро ба миён овардааст.

Манбаъ менависад, айни замон бархе аз сокинони Хоруғ бо буридани дарахту овардани халтаву сангу хок дар талоши бунёди сангар ҳастанд, вале ҳамзамон, итминон доранд, ки ҳукумат даъвати онҳоро барои ҳалли осоиштаи қазия сарфи назар намекунад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!