Русский  >>  فارسی  >>  Чоршанбе 7 декабр 2016, 21:18

Боз ҳам масҷиду калисо ва боз кашмакаш

8 июн 2011, 09:14

Сохтмони калисоҳои масеҳӣ барои рушди соҳаи иҷтимоӣ монеа шуда наметавонад.

Ҳамчунин сохтмони 200 калисои масеҳӣ ҳеч рабте ба сохтмони боғчаҳои кӯдакона надошта, барои иҷрои ин амал  мушкиле эҷод нахоҳад кард, гуфтааст, зимни як изхороташ маркази иттилоотии Калисои масеҳии Русия (РПС).  Сарвари маркази иттилооти КМС Владимир Легойда афзудааст, тибқи тасмими патриархи Маскав ва тамоми Русия Кирилл ва дастгирии ҳукумати шаҳр дар Маскав 200 калисои масеҳӣ ба таври оҷил сохта мешавад.

 

- Пештар баъзе аз созмонҳои ҷамъиятӣ манзур намудани манзили барои сохтомони калисо ҷудошударо барои сохтани боғчаҳои бачагона бо далели он ки боғча нисбат ба калисо авлавият дорад, пешниҳод карда буданд. Бо ин вуҷуд, ки норасоии боғчаҳои бачагона мушкилоти ҷиддии имрӯзи шаҳр аст, аммо наметавон аз ҳисоби манъ кардани сохтмони калисоҳо ин мушкилро бартарф кард. Дар ин маврид кор гирифтан аз тадбири «ё боғча, ё калисо»  нодуруст аст, гуфтааст масъули маркази хабарии КМР Владимир Легойда.

Дар ҳоле ки Калисои масеҳии Русия (КМР) аз сохтани оҷилии 200 ибодатгоҳи масеҳӣ хабар медиҳад, шаҳрдории Маскав бо баҳонаи ҳамойиши эътирозии мардум сохтмони масҷиди мусулмониро дар минтақаи «Текстилшики»-и ин шаҳр боз дошта, ба ҷояш сохтмони боғчаи бачагонаро шурӯъ кардааст.

Гуфтанист, бо ин вуҷуд, ки бино ба маълумоти Шӯрои муфтиёти Русия дар Маскав ба ғайр аз муҳоҷирини мусулмон беш аз 2 миллион мусулмон ба таври доимӣ ба сар мебаранд, дар ин шаҳр ҳамагӣ 5 масҷиди ҷомеъи мусулмонӣ фаъолият дошта, норасоии ҷойи ибодат дар рӯзҳои ҷумъа ва идайн бараъло эҳсос мешавад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!