Русский  >>  فارسی  >>  Якшанбе 4 декабр 2016, 15:13

Созмонҳои журналистӣ: Тоҷикистон Ватани ҳар яки мост ва Бадахшон ҷузъи ҷудонопазири он

25 июл 2012, 08:52

Ин ташкилотҳои кишвар аз рӯзноманигорон даъват карданд, ки дар инъикоси амалиёти сохторҳои қудратӣ дар шаҳри Хоруғ эҳтиёткор ва нозукбин бошанд.

Дар баёния ин созмонҳо омадааст, ки ба овозаву хабарҳои беасос ва низоъангез такя накунанд. Созмонҳои рӯзноманигорӣ аз он изҳори ташвиш доранд, ки дар баъзе сомона ва блогҳои интернетӣ ба қазияи рӯзҳои ахир Бадахшон  тобиши сиёсиву динӣ дода шуда, дар ин миён баҳсҳои мазҳабиву маҳалгароӣ сар мезананд .
Гуфта мешавад, истифодаи забони хусумат ва низоъангез дар ин мавриди  мусибатбор ҳаргиз ҷоиз набуда, он метавонад боиси ташаннуҷи ҷамъиятӣ гардад. Дар изҳороти муштараки шаш созмони рӯзноманигорӣ аз масдуд шудани сомонаи «Азия плюс» изҳори нигаронӣ шуда, амали Хадамоти алоқа «носавоб ва  кӯтоҳандешона» ва нақзи ҳуқуқи конститутсионии шаҳрвандони кишвар дар дастрасӣ ба иттилоот арзёбӣ ва изҳори умедворӣ шудааст, ки қазияи мазкур ҳарчи зудтар ҳалли қонунии худро меёбад.  Баёнияи мазкур аз ҷониби раҳбарони Иттифоқи журналистони Тоҷикистон (ИЖТ), Анҷумани миллии воситаҳои ахбори оммаи мустақили Тоҷикистон (АМВАОМТ), Медиа-Алянси Тоҷикистон, Шӯрои ВАО-и Тоҷикистон, Созмони ҷамъиятии «Индем» ва ТҶ «Ориёнмедиа»  ба имзо расидааст


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!