Русский  >>  فارسی  >>  Панҷшанбе 8 декабр 2016, 12:56

Ню-Йорк: «Хоруғ, Тоҷикистон дар қалбу дидаи мо ҳастед»

26 июл 2012, 05:44

«Ман мехоҳам овози модарамро шунавам».


Ин яке аз он шиорҳое буд, ки дирўз дар маркази шахри Ню-Йорк, дар рў ба рўйи бинои СММ бо иштироки бештар аз 50 тан бадахшониёни муқими Амрико  дар як ҳамоиши эътирозӣ вобаста ба вазъи сангину муҳосираи  иттилоотӣ ва хунрезиҳову ноамнӣ дар маркази вилояти Мухтори Кўҳистони Бадахшон баланд мешуд.
Дар ин ҳамоиши эътирозӣ, ки аслан донишҷўён ва чанд тан тоҷикистониёни муқими Амрико иштирок доштанд, бо шиорҳои "Мо сулҳро дар Точикистон мехоҳем!", "Ман мехоҳам овози модарамро шунавам!", "Мардуми Бадахшони хоҳони сулҳанд", "Мо қисми ҷудонашавандаи Тоҷикистонем", "Хоруғ, Тоҷикистон дар қалбу дидаи мо ҳастед" тамоми рўз  дар назди бинои СММ гирдиҳамоӣ карданд.
Дар ин бора ба хабаргузории Озодагон Акмал Қадамов, донишҷӯи яке аз донишгоҳҳои ИМА иттилоъ дод. Номбурда гуфт, онҳо сар аз 24 июли соли равон наметавонанд, бо хешовандон дар тамос шаванд ва аз аҳволи хонаводаҳои худ бохабар бошанд. Иштирокчиёни ин ҳамойиш ҳамзамон гуфтаанд, ки бо шунидани хабарҳои гуногуни изтиробовар аз тариқи ВАО сахт нигарон буда, талаби ҳарчӣ зудтар барқарор кардани алоқаи телефонӣ бо ин минтақа ва сулҳу оромӣ хастанд.
Ба гуфтаи ин манбаъ, бадахшониёни муқими Амрико ният доранд, ки чунин як намоиши эътирозиро имрўз, 26 июл дар шаҳри Вашингтон дар рўбарўйи сафорати Точикистон низ баргузор намоянд.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!