Русский  >>  فارسی  >>  Шанбе 10 декабр 2016, 23:30

Изҳори нигаронии СММ аз ташаннуҷи авзоъ дар Хоруғ

28 июл 2012, 05:16

Маркази минтақаии Созмони Милал барои дипломатияи пешгиранда дар Осиёи Марказӣ ва дафтари намояндагии СММ дар Душанбе бо судури як баёния дар ин маврид иброз доштаанд.

Дар ин изҳорот, ки шаби гузашта ба расонаҳо ироа гардид, навишта шудааст, ки СММ аз даргириҳои хушунатбор дар Хоруғ ва талафоти ҷонӣ нигарон аст.Дар ин баёния омадааст, ки Созмони Милал аз замони оғози амалиёти нерӯҳои давлатӣ дар Хоруғ аз 24 июл ба ин сӯ таҳаввулот дар ин шаҳрро пайгирӣ мекунад. Зимнан дар баёния омадааст, ки СММ аз тамдиди мӯҳлати оташбас истиқбол мекунад, аммо аз ҳукумати Тоҷикистон даъват шудааст, ки барои таъмини амнияти ҳаёти сокинони осоишта шароити мусоид фароҳам оварда шавад: « Алалхусус аз ҳама тарафҳои даргир мехоҳем, ки хештандорӣ нишон бидиҳанд ва дастрасии бемамониати мардум ба ёрии тиббиву санитарӣ, ғизо ва маводи ниёзи аввалро таъмин намоянд».
Ҳамзамон, эълом шудааст, ки Созмони Милали Муттаҳид барои ироаи кӯмакҳои башардӯстона ба мардуми осебдида омода аст. Бо ишора ба қатъи алоқа бо ВМКБ СММ изҳори нигаронӣ карда гуфтааст, ки ин амр боиси нороҳатӣ ва нигаронии бадахшониҳои хориҷ аз зодгоҳ шуда, ки чанд рӯз инҷониб наметавонанд, аз ҳоли наздикону пайвандонашон бохабар шаванд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!