Русский  >>  فارسی  >>  Якшанбе 11 декабр 2016, 09:06

Алла махфигоҳи маводи нашъадорро ошкор кард

2 август 2012, 04:24

Зимни гузаронидани чорабиниҳои фаврӣ-ҷустуҷӯӣ, ки дар доираи амалиёти «Кӯкнор- 2012» кормандони раёсати Агентии назорати маводи мухаддир дар вилояти Хатлон бо ёрии саги хизматии ҷустуҷӯӣ бо лақаби «Алла» доир карданд, дар ноҳияи Шӯрообод як махфигоҳи маводи нашъадор ошкор гардид.

Тавре ба Озодагон аз агентии мазкур хабард доданд, зимни амалиёти мазкур дар минтақаи байни деҳаҳои Кишти Дашти Ҷуми ноҳияи Шӯрообод аз махфигоҳи махсуси таҷҳизотонидашуда 7 халта маводи пресскардашудаи алафмонанди бӯи махсусдошта ёфт ва мусодира кардаанд.
Манбаъ афзуд, дар пайи ташхиси мутахассисони шӯъбаи ташхиси судии раёсати АНМН дар вилояти Хатлон муайян шуд, ки маводи мусодирашуда воситаи нашъадори гурӯҳи канабис буда, вазнаш бештар аз 101 килоро ташкил медиҳад.
Феълан аз рӯи ин ҳодиса шӯъбаи тафтишотии раёсати агентӣ бо моддаи 200 қисми 4 банди «г» (нигоҳ доштан ва фурӯхтани ғайриқонунии воситаҳои нашъадор дар ҳаҷми ниҳоят калон) ва моддаи 289 қисми 2 (қочоқ)-и Кодекси ҷиноии Тоҷикистон парвандаи ҷиноятӣ оғоз намудааст.
«Айни замон аз ҷониби кормандони Агентӣ дар якҷоягӣ бо кормандони Вазорати корҳои дохилии Афғонистон ҳаракатҳои зарурии оперативӣ-тафтишотӣ барои ошкор сохтан ва дастгир намудани шахсоне, ки ба ҷинояти мазкур алоқаманд мебошанд, гузаронида мешавад»,-афзуд манбаъ.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!