Энергетика дар ҳаҷми умумии сармоягузориҳои Тоҷикистон ҳамоно дар ҷои аввал буда, ба иттилои расмӣ тайи 5 соли охир барои рушди соҳа 7 миллиарду 500 миллион сомонӣ равона гардид.
Масъулини омори кишвар мегўянд, тайи солҳои охир азхудкунии маблағҳо дар кишвар коҳиш ёфтаст, вале бахши энергетика ҳамоно афзалиятнок аст. Аз ҳамаи манбаъҳои сармоягузорӣ тайи моҳҳои январ-июни соли ҷорӣ дар Тоҷикистон 1 миллиарду 707 миллион сомонӣ истифода шудаст, ки нисбати ҳамин давраи соли гузашта 27 фоиз камтар мебошанд. Аз ҳаҷми умумии сармояҳо 38 фоизашон дар иншооти энергетикӣ истифода шудаанд, ки дар муқоиса бо соли гузашта 6,5 фоиз камтар мебошанд.
Сабаби асосии азхудкунии маблағҳо дар бахши энергетика анҷоми корҳои асосӣ дар нерўгоҳҳои Сангтўда 1ва 2, итмоми сохтмони хатҳои интиқол арзёбӣ мегардад.
Масъулини Вазорати молия рабт доштани камшавии сармоягузории бахши энергетикаро ба коҳиши маблағгузории нерўгоҳи «Роғун» инкор карда, таъкид мекунанд, ки сармоя ба ин иншоот дар доираи нақша равона шуда истодааст.
Ба иттилои манбаъ, дар нимсолаи аввали соли ҷорӣ барои корҳои барқарорсозӣ дар Роғун аз буҷети Тоҷикистон 555 миллион сомонӣ пешбинӣ шуда буд, ки пурра равона гардид.
Мӯҳр