Дар шароити мавҷудаи бозори озуқаи Тоҷикистон марказҳои савдо имкони истифодаи нархҳои пасту баланди инҳисориро надоранд, чун дар ҳамаи маҳалҳо дар баробари марказҳо мағозаҳои хӯрди хӯрокворӣ фаъолият доранд.
Ин нуқтаро зимни натиҷаи гузарондани мониторинги ташаккули нархи озуқа дар супермаркетҳо масъулини Хадамоти зиддиинҳисории Тоҷикистон изҳор доштанд.
Ба иттилои манбаъ Хадамоти зиддиинҳисорӣ фаъолияти 7 супермаркет, аз ҷумла марказҳои савдои «Пайкар», «Саодат», «Пойтахт», «Сафар», «Арбат», «Санавбар» ва «Сифат»-ро аз мониторинг гузаронда муайян намуд, ки масоҳати марказҳои номгӯшуда аз 235 то 520 метри мурабаъро ташкил дода, миқдор ва номгӯи маҳсулоти ба савдо гузошташуда аз 3 ҳазор то 15 ҳазорро ташкил медиҳад.
Масъулини Хадамот қайд мекунанд, ки супермаркетҳои пойтахтро бо ҳазорҳо номгӯи маҳсулот асосан ду шират, - «Таҷеро» ва «Амал Индустрӣ» таъмин карда истодаанд. Ба таъкиди онҳо, тибқи шартномаи супермаркетҳо ва молтаъминкунандагон маҳсулот бояд дар рафҳое гузошта шаванд, ки рӯй ба рӯйи он маҳсулоти ширкати рақиб бошад.
Манбаъ мегӯяд, тамоми чораҳоро барои ташаккул ва истифодаи дурусти нархҳо дар супермаркетҳо дида, фазои солими рақобатро таъмин намуда истодаанд.
«
Мӯҳр