Русский  >>  فارسی  >>  Душанбе 5 декабр 2016, 15:31

«Амир»-и ноҳияи Бобоҷон Ғафуров боздошт гардид

10 июн 2011, 06:00

«Амир», як узви фаъоли «Ҳизб-ут-таҳрир» дар шимоли мамлакат боздошт гардид.

Тавре ба «Озодагон» аз раёсати корҳои дохилаи вилояти Суғд иттилоъ доданд, дар натиҷаи гузаронидани чораҳои  фаврӣ-ҷустуҷуӣ дар ҳудуди ҷамоати Исмоили ноҳияи Бобоҷон Ғафуров, сокини 46-солаи ҳамин мавзеъ А.А дастгир карда шудааст.

Маълум гашт, ки А.А аз соли 1998 ба аъзогии ҳизби ғайриқонунии экстремистии «Ҳизб-ут-таҳрир» шомил гашта, то моҳи декабри соли 2010 дар ҳудуди вилояти Сугд вазифаи «Амир»-ии ҳизби табушударо ба ӯҳда дошта, ба ташвиқоту тарғиботи он машғул будааст.

Вай инчунин, 2 июни соли равон дар  ҳудуди маҳаллаи 31-и шаҳри Хуҷанд варақахои характери экстремистӣ доштаи ҳизби мазкурро паҳн намудааст.

Феълан, нисбати А.А. парвандаи ҷиноӣ бо моддаҳои 187 қисми 1 (ташкили иттиҳоди ҷиноӣ), 189 қисми 1 (барангехтани кинаю адовати миллӣ,  нажодӣ, маҳалгароӣ ва ё динӣ) ва 307 қисми 2 (даъвати оммавӣ  барои бо роҳи зуроварӣ тағйир додани сохти конститутсионии ҷумҳурии Тоҷикистон)  КҶ оғоз гардида , тафтишот идома дорад.

Ёдовар мешавем, тибқи маълумоти прокуратураи вилояти Суғд, дар 3 моҳи аввали соли равон аз тарафи прокуратураи вилоят нисбати 29 нафар аъзоёни ҳизби гайриконунии экстремистии «Ҳизб-ут-тахрир» парвандаи ҷиноӣ оғоз гардида буд.Фаъолияти ин ташкилот аз соли 2008 дар қаламрави Тоҷикистон мамнӯъ гардидааст.{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!